Popular Bible Verses from 2 Abanya Korĩnto 4

Share

Kusangwa tukakwama emyatsi itelolawako. Situlikwama emyatsi eyikalolawako. Kandi emyatsi eyikalolawako nĩ yʼakatambĩ kake, nĩkwa emyatsi eyitelolawako ni yʼerikota.

Neryo busana nʼemyatsi eyĩ sitweremerawa. Nĩkwa nomo mibiri yetu ikakula, nĩkwa ebĩrĩmũ byetu bikayirawa mo bihya-bihya obuli kiro. Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.

Tukagalawa ngendo nyingi, nĩkwa sĩtwebũnĩka; tukatika-tika, nĩkwa sĩtũlĩsĩganĩraya. Tũkendererĩbawa, nĩkwa sĩtwesĩganĩbawa ĩtwebene; tũkahũnzawa, nĩkwa sĩtũlĩtogotĩbawa.

Nĩkwa ĩtwe tuwite obuteke obũ omo mubiri wʼekitaka, neryo obũtokĩ bunene obo bubye bwa Nyamuhanga butsira bwetu.

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.