Popular Bible Verses from 2 Abanya Korĩnto 5

Share

Kusangwa omundu amabya amatikene na Kristo, ni mundu muhya-muhya; emyatsi ya kera yabirirenga, neryo emyatsi mihya-mihya yabĩrĩhĩka.

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

Kusangwa tukakwama omwʼĩkĩrĩrya, butsira omwʼilangira.

Nyamuhanga yo wabirikola ebyosĩ ebĩ, oyo watũsanganaya ukwʼiye omwisi wa Kristo, kandi abirituha omũbĩrĩ wʼerĩsanganĩa abandi bʼukwʼiye. Tuti, Nyamuhanga akasanganaya bandu bosĩ ukwʼiye busana na Kristo, isialiganzirabo amalolo wabo. Kandi abirituha ekĩnywa kyʼerĩsanganĩa abandu ukwʼiye.

Neryo tuli bakwenda busana na Kristo, neryo Nyamuhanga akabalayira nʼeribalemba-lemba. Tukabalembalemba busana na Kristo, tuti, Mũsanganĩbawe uku Nyamuhanga

Kandi mwahola busana nʼabosĩ, neryo abakabyaho sibabyeho busana nabo ĩbobene, nĩkwa babyeho busana nʼoyo waholerabo, kandi mwalũbũkĩbwa busana nabo. Nĩkwa lino sitweganza omundu ngoko bandu bʼomubiri bakaganza. Kandi nomo twangaganza Kristo ngʼabandu bʼomubiri ko bakaganza, nĩkwa lino sitwesyamuganza tutya.

Kusangwa olwanzo lwa Kristo lukatutabalako, kandi twabiriminya ndeke ngoko mundu muguma mwahola busana nʼabandu bosĩ, neryo liri ngʼabandu bosĩ babirihola haguma naye.