Popular Bible Verses from San Lucas 11

Share

Saa chi ndoꞌo, ra vaꞌa ni yuvi kuachi kuvi va ndo, ndi su xini va ndo taxi ndo ña vaꞌa ndaꞌa seꞌe ndo. ¡Ra ña kuu Tata yo Ndioxi, ra vaꞌa, ra köo ndia nii kuachi, ña kan ke kundaa kaxi va ini yo ña taxi va ra ña vaꞌa ni ña kuu Tachi Yii ra ndaꞌa takundiꞌi yuvi na nduku ña nuu ra! ―kachi Jesús xiꞌin ndia itaꞌan xiꞌin ra.

Ña kan ke kaꞌan yu xiꞌin ndo vichin: Ra na nduku ndo ña kumani nuu ndo nuu Ndioxi, ra taxi va ra ña ndaꞌa ndo; ra na nanduku ndo ña xiniñuꞌu nuu ndo, ra chindiee taꞌan va ra xiꞌin ndo ña ndaniꞌi ndo ña; ra na kani ndaꞌa ndo yeꞌe, ra ndakuiña va ra yeꞌe nuu ndo.

Chi na nduku ñaꞌa ña kumani nuu na nuu Ndioxi, ra niꞌi va na ña; ra na nanduku ña, ra ndaniꞌi va na ña. Ra na kaꞌan xiꞌin ra, ra ndakuiña va ra yeꞌe nuu na.

Saa ndakuiin Jesús, kachi ra saa xiꞌin ndia: ―Ta kaꞌan ndo xiꞌin Ndioxi, ra suꞌva ke na kachi ndo xiꞌin ra: Tata ndi, ra iyoo ndivi, yii ni na koo kivi kun. Ra na kixi kun kaꞌndia kun chiñu nuu ña yuuvi yoꞌo. Ra ta xa kun ndivi ke na sa kun nuu ñuꞌu yoꞌo va.

Ra na sakaꞌnu ini kun xaꞌa kuachi ndi, ta kuꞌva ^xa mii ndi ña ^xa kaꞌnu ini ndi xaꞌa kuachi yuvi na ^xa ña väꞌa xiꞌin ndi. Ra täxi kun koyo ndi ndaꞌa ña väꞌa; chi na ndakiꞌin va kun nduꞌu ndaꞌa ña, kachi ndo xiꞌin Ndioxi ―kachi Jesús xiꞌin ndia.

Ra iin takundiꞌi kii na taxi kun ña xiniñuꞌu nuu ndi kuxi ndi; ra na kumäni ña.

Ra saa ke iyoo tu nduchi nuu va yo, saa chi ta iyoo ñuꞌu ña tuun, va ke iyoo ña. Ra tu ña vaꞌa kuvi ña, saa ra yeꞌe ndiꞌi tu iki kuñu va yo, ra tu ña väꞌa va kuvi tu nduchi nuu yo, saa ra nuu ñaa va iyoo iki kuñu yo.

Ra saa ndikaꞌan ka ra xiꞌin na kachi ra saa: ―Yuvi na ndatuun ñuꞌu, ra chikäa seꞌe na ña, ra nii kuëe chindiee tu na iin xikoꞌo va nuu ña. Chi nuu sukun va chinduꞌu na ña, ra saa ke vaꞌa yeꞌe nuu takundiꞌi na kuaꞌan kiꞌvi veꞌe.