Popular Bible Verses from I KƆRINTI DIMA 13

Share

Wurilim mari la sugru ni nambɔzoaa; wurilim bu zabri nyuuri; ka mun bu nyuuri bara, bee, m‑mari karimbaani. Wurilim bu tumni gyɛrilim; di bu boori di mammaŋŋa yuubu, bee, n‑gyɛ suuri yooma: wurilim bu teaari taalli n‑guri ni di ti boosi.

Wurilim ta'ari ni, m‑mari yɛdda seelikam puuni, ka laa m‑mari tama ka diri sugru seelikam puuni.

Wurilim sufu bu maara ninvugseeba tumbeeri zugu; amaa ka mari la sufumaasim yɛlimaŋni zaa zugu.

Dizugu an kpalim m‑bɛ ni n nyɛ yɛdda, ni tama, ni wurilim, abata wa; amaa din gaari a zaa nyɛ la wurilim.

Wurilim bu naara: amaa anabitiri yɛla yi bɛ ni, a nin paai a tɔriga; ka ba yi ti tɔ'asiri yɛttɔ'a balibubalibu, ba nin naa n‑sini ba noori; bamsim gba nin paai di naari.

N yi nyaŋŋi n‑tɔ'asiri ninsaalidima yɛttɔ'a kam zaa, halli ni malaakadima yɛttɔ'a gba, ka mun ka wurilim, dinŋɔna n ŋmanni la gbiliŋŋa bee feeŋŋa n‑kumni yɔri.

N yi niŋi anabitiri, ka laa m‑mari bunsɔ'ara zaa bamsim, m‑mari yɛdda halli nti kyɛ ka zɔya vuui m‑paai seela, ka mun ka wurilim, dinŋɔna m pa seelli.

Halli n yi zaŋŋi n ligri ni n neema zaa n‑tɔri fara dima, ka laa n‑zaŋŋi n ningbiŋŋu n‑kyɛ ka ba nyɔ ka bugum, ka mun ka wurilim, n ka anfaani anŋɔ zaa zugu.

Ya bu nya? man daa nyɛ bibila sahanseaa la, n daa mari la biilim n yɛttɔ'a puuni, ni n teesa ni n yɛm yɛla zaa ni. Amaa man daa leebi bunkurigu maa, n daa zaŋŋi biilim yɛla maa zaa m‑basi.