Popular Bible Verses from I KƆRINTI DIMA 12

Share

Sii maa wulisiri u maŋŋa n‑tiri sɔkam zaa, ni di zaa ti maali ka kyaŋŋi tooni.

Tɔ: yarima mun n la'am n‑nyɛ Kirisita ningbiŋŋu, ka ya zaa yinni yinni n nyɛ u ningbinluga.

Lugri yinni yi ti namsi, a zaa yi la'am n‑namsi ni; lugri yinni mun yi nya pɛ'abu, sufu maari n nyɛ di n‑tiri a zaa.

Sii maa zugu ka ninvugsɔ mari yɛm yɛttɔ'a; ka sɔ mun mari bamsim, lala Sii yinni maa zugu. Sɔ yaasa mari la yɛdda lala Sii maa zugu, ka sɔ mun bɛ ni ka u deaai baaridima tippu, Sii yinni maa zugu. Seeba yaasa deaari la alahazibu tuma yiiko, bee, anabitiri yɛttɔ'a, bee, m‑baŋŋi siisi yɛla viisigu, bee, n‑tɔ'asiri yɛttɔ'a balibubalibu, bee, m‑baŋŋi lala yɛttɔ'a maa gbinni n‑wulisira.

Anŋɔ zaa nyɛ la Sii yinni maa tuma, ka u mari n‑tisiri u sufu ŋɔn boori seem.

Naawunni tum lala ni u ti kyɛ ka nangbankpeemni ni wɔligri ka ningbiŋŋu maa ni, amaa ka luga maa zaa ti suŋŋni m‑mari taaba.

Tɔ: ka piini balibubalibu m bɛ ni, amaa Sii yinni maa bɛ ni n‑tisira. Gyeeŋŋu sɔya balibubalibu m bɛ ni, amaa ti Dugma yinni ka ti gyeemna. Tuma balibubalibu gba bɛ ni, amaa Naawunni yinni maa n tumni a zaa sɔkam puuni.

Ka Naawunni daa yiisi u niriba ka ba tumni tuma balibubalibu n‑tiri taaba: u daa daŋŋi n‑zaali seeba ni ba ti niŋi u tuumudima maa; ka laa n‑zaali seeba m‑pa anabidima; nta karimbadima, m‑paasi ban tumni alahazibu tuma, ban tibri baaridima, ban suŋŋni niriba, ni Naawunni niriba toondaandima, ni ban tɔ'asiri yɛttɔ'a balibubalibu.

Tɔ, ka ningbiŋŋu muna - pa lugri yinni kɔkɔ nla, amaa luga pam.

Ay! - halli luginseesi an ka yaa mari la bukaata gba.

Ya bu nya? - ningbiŋŋu zaa yi da nyɛ la nimbiri, ba ya niŋi la wula n‑wumna? Bee, ka zaa yi da nyɛ la tubri, ba ya niŋi la wula n‑wumni nyuu? Amaa din nyɛ seem maa, Naawunni daa niŋi luga maa zaa la a lugri a lugri, hoo ŋɔn Naawunni ŋɔn boori seem. Yɛlimaŋni, a zaa yi da nya lugri yinni kɔkɔa, yani ka ningbiŋŋu da ya bɛ ni?