Popular Bible Verses from Efɛɛzɛ 6

Share

Nə́ tʼá bwí ǹdə́ numbyínsi yé. Nə́ rʼé bwí ǹdə́ jàn cìnə́ námməlwâlsɛ́ shɛ̀bɛ́ dwí gakó sə̀ ŋwɛ́nɛ́ dɛ̃̌, yírhə́ wàr nə̀ nɛ, sə̀ zhe jàn ǹdə́ ŋwɔ̀nɔ́ cə-byín lũ w wẽ́ mó.

Cenə Yi dɛ̃ gakó, á lwə̀l lè ǹdə́ Eshirhə náàcɛ̀nɛ́ jàn, sʼá zhìlì á yala nɛ kɔn gakó wẽ́, á lwə̀l lè dɛ̃ gakó rə̀ lyì bí gakó yilə.

Kwěnə Yi búlə́ wẽ̀ dé gakó á zə á jɔ̃̀ wà, mùnì á ŋwɛ̀nɛ́ á zhì á cẽ Shətana sòlò mó.

Rə̀myɛ́ ce, kwěnə Yi búlə́ wẽ̀ dé gakó á zə á jɔ̃̀ w èlâsɛ̃´, mùnì dwã nɛ́ nyɛ̀bɛ́ nə̀ bə càn mɔ́ gə tú nə̀ yúwə́, sʼá ŋwɛ̀nɛ́ á zhì á bú búlə́ né kɔn mʼe yí nə̀ zhɔ̌, sʼá zhì á nà y yó kẽkẽ.

Zəna á Yi-ni-zhú mú mə yə̀ ku á mʼá cə̀r á cìn kɔn gakó wẽ́ twéé gakó. Shətana gə tú è la zə è swé ré ǹdə́ rə̀ myǐn mú e dul ába, sə ku w cə̀r rè. Zwẽnə Yi vwârh mɔ́ á pú ǹdə cɔ̀bɔ́ yə́-pú ta, sʼá zwẽ Yi zɔ̀mɛ̀ rɛ́ Eshirhə náàcɛ̀nɛ́ nʼê pɛ ába ǹdə búlə́ shù ta mɔ́.

Zɛ̃̀nà á zhì dɛ̃̌ á dɛ̃̀. Cenə zhə̀n dɛ́ á cã̌ nɛ́ ǹdə cã̌-tɔ̀nɔ̀ ta. Zwínə cángá tumə né nə yə̀ ǹdə kàmə̀-zwǐ kɛ̀bɛ́ á mʼá cə̀r á cìn búlə́ jàà w ta. Cenə yə̀wâl á nə̀rh né ǹdə nə̀cìlə̀ ta, á mʼá bwə̀l yò-ècɔ̀nɔ̀ nyí rí rə̀ nʼê pɛ yə̀-zùlə́ mó.

À zɔ̀mɛ̀ nánkwɛɛ́rɛ́ à la byilu mú, wɔ́ lwə́l à nʼâ lwə̀l ába, sʼá zhí Cinu ni á bʼá pyà wu-jɔ̀ ń jàn dɛ́ nánfɔ̀lɔ̀ w wẽ́.

Yi nyə́ né gakó wẽ́, wɔ́ nyí rí tɛ̀bɛ́ rə̀ nʼê wə̀l bə̀: “Nyám ǹ da ǹdə́ ǹ ná” mɔ́ nɛ rə̀ jɛ̀nɛ̀ rə bwəl nyí rə bʼe súlí. Rə̀ wòwə̀: “Ǹ gə nə́ ǹ nyàm ǹ da ǹdə́ ǹ ná, ǹ bʼâ nə wu-nyɔ̃̀, ǹ myə̂l jʼa zə dwɛ̀lɛ̀ cɛ yó.”

Ámyɛ̌ bə̀sɔ́ná bɛ́, zwẽnə á dabá ǹdʼá nábá nyí ni, ǹdə Cinu gə́ nə́ ń yâl nɛ́. Rə̀myɛ́ wɔ́ kɔn dɛ̀bɛ́ rə̀ mâ.