Popular Bible Verses from Efɛɛzɛ 5

Share

Á wɔ́ Yi byì-swénnə. Rə̀myɛ́ ce, cenə jàn nɛ́ á wɛ̀rhɛ́ ǹdə rə̀ ta. Swénénə dwã, ǹdə Kristə gə́ só nə́ba né. Ń pɔ ń cìn Yi ni ǹdə vwĩ̀-kɔn dɛ̀bɛ́ rə̀ zhe lwẽ́ nã́nyə̀nyɛ̀lɛ́ rə̀ sú Yi yírh ta nə́ yilə.

Dɛ̃̌na á cìn á tùntwə̃̀ə̃̀ né wẽ́. Yálna surhə cìnə́, sʼá bə̀kʼá wɛ̀rhɛ́ ǹdə bə-surhə-zhe cìnə́ ta yé. Cenə jàn nɛ́ á wɛ̀rhɛ́ cɛ̀nɛ̀ twéé twéé, bə̀ lũ w nə́ ŋwɛ́nɛ́ ò wẽ́ èlâsɛ̃´ mɔ́ bə càn yé.

Á bə̀kʼá nyɔ̀ sɛ̃´ kɔn lyɛ̃ cɛ nɛ yé, bə̀ sɛ̃´ nyɔ́ kɔn lyɛ̃ cɛ nɛ nʼê ce numbyíní yààyàà tùntwə̃̀ə̃̀ wẽ́. Cenə á wun ní sú ǹdə́ Eshirhə náàcɛ̀nɛ́. Á gə tú dwã yó gakó, sʼá nún núrh shɛ̀bɛ́ gakó sə̀ nʼê shí Eshirhə náàcɛ̀nɛ́ sõ, ǹdə́ núrh dwí gakó, á mʼá ce Cinu nə̀bán ǹdʼá wun gakó. Cenə nə́ Da Yi nə̀bán twéé twéé kɔn gakó wẽ́, Cinu Yezu Kristə yil yilə.

Wɔ́ rə̀myɛ́ è ce, á bə̀kʼá yə̀ lyì byɛ̀bɛ́ bə̀ yə̀l nə̀ kùrə̀ yé. Cenə jàn nɛ́ á lwar kɔn dɛ̀bɛ́ Cinu nə́ ń yâl bʼâ wɛ̀rhɛ́ mɔ́ kùrə̀.

Ámyɛ̌ bala bɛ́, swénénə á kana bɛ́, ǹdə Kristə gə́ só ń gùlú w n pə ń myə̂l lé ò yil né.

Shãã ga, á yʼâ ŋwɛ́nɛ́ cə-byín wə. Sə èlâsɛ̃´, á gə́ zù Cinu mú ce, á ŋwɛ́nɛ́ pwẽ̀ wə̀. Rə̀myɛ́ ce, wɛ̀rhɛ́na ǹdə pwẽ̀ lyì gə́ mə̂ sə bə wɛ̀rhɛ́ nɛ́

Shɛ̀nɛ́na dwã nyí ni Kristə nyɔ̀mɔ̀ w yilə.

Ámyɛ̌ kana bɛ́, zwẽnə á byə́nə́ bé nyí ni, ǹdə á gə́ nʼá zwẽ Cinu nyí ni ní

Sə rə̀ nʼê zɔ̀m ámyɛ yò, bə̀ bal gakó mə̂ sə́ swéné ǹ kɛ̃ ǹdə ǹ cìcì ta, sə kɛ̃ myɛ mə̂ sə́ nyɛ̀ ǹ byal.

Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Rə̀myɛ́ yilə, bal mà n yẽ̌ ń da ǹdə́ ń ná nɛ, n jòm ǹdə́ ń kɛ̃ mɔ́, sə bə̀myɛ́ bə̀lyè y ga bʼa mù dwã nɛ bə jǐrh kɔn rə̀dù.”

Á bə̀kʼá ce á cìn cə-byṹ tùntwə̃̀ə̃̀ né wẽ́ yé, bə̀ nə̀ bə kùr zhe yé. Á gaga mɔ́ mə̂ sʼá byili byɛ̀bɛ́ bə̀ nʼê twĩ̀ tùntwə̃̀ə̃̀ né nə̀myɛ́ mɔ́ nɛ bə̀ nyǐ nə̀ bə mə̂ yé.