Popular Bible Verses from Jɔn 15

Share

Ma e la kedibi sɔrso na nɛ menyi alɛ la kumo be ayabi. Nɛ esa baa wɔ ma to nɛ ma alɛ gba baa wɔ mo to, amodoŋwura beeŋ nya asɔrso damta, ama nɛ m baa maa wɔ men be asheŋ to, men maaŋ tiŋ n wora shɛŋ.

Men baa wɔ ma to nɛ ma alɛ gba e baa wɔ menyi to. Kedibi be keyabi kama nawule maaŋ tiŋ n sɔr asɔrso ama k baa chɔɔ kedibi na gbagba so nna. Menyi alɛ gba maaŋ tiŋ n nya asɔrso kama ama men baa wɔ ma to nna.

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Kasha kama maŋ naa chɔ le be kasha ere fanɛ esa ka beeŋ ta mbe ŋkpa n sa mo teriana.

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Ma kamalga naseso nde: ‘Men baa sha abar fanɛ kananɛ mee sha menyi na.’

Kusɔ nɛ k bee bar n Tuto na kemaŋkura e la men ka bee nya asɔrso damta, loŋ e naa ŋini men ka la ma bebɛsopo.

Yesu yɛ: “N du fanɛ kedibi sɔrso gbagba nna nɛ n Tuto malɛ la ndibi sɔrso na be ekenipo.

Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

Ŋ kaŋɛ menyi kesheŋ ere nna nɛ kagbenefuli nɛ mee sa na e baa wɔ menyi to, saŋɛ na so, menyi be ŋgbene beeŋ fuli menyi m baŋ so.

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Ma kamalga naseso nɛ ŋ kɔ a sa menyi nde fanɛ: ‘Men baa sha abar.’ ”

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.