Popular Bible Verses from Jɔn 16

Share

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ama nɛ mo ere, kashenteŋ be Kiyoyu na kaŋ ba, e beeŋ ŋini menyi kashenteŋ be ekpa kikɛ. E maaŋ ta mo gbagba be kumu so be eleŋ m malga, asɔ nɛ e beeŋ nu nawule be asheŋ nɛ e beeŋ malga nseŋ kaŋɛ basa asɔ nɛ a beeŋ ba be asheŋ.

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

Kashenteŋ malɛ nɛ mee kaŋɛ menyi na fanɛ menyi be kechɛto so nɛ mee yɔ na, ŋkpal manɛ so, nɛ m baa maŋ yɔ, Echɛtopo na maaŋ ba menyi kutɔ. Ama nɛ m baŋ yɔ bre, meeŋ shuŋi mo nɛ e ba menyi kutɔ. Mo alɛ kaŋ ba, e beeŋ ŋini durnyaebi kananɛ baa fɛ alubi be asheŋ nɛ Ebɔrɛ be anishito be alelasheŋ be asheŋ nɛ mbe kasogberge be asheŋ. E beeŋ ŋini bumo fanɛ b foe amo be kenyi be ekpa.

To, loŋ nɛ k du n sa menyi alɛ gba. Naniere bre, men be ŋgbene jija menyi nna, ama a wora gbrɛ, meeŋ naŋ wu menyi nɛ menyi be ŋgbene e fuli menyi nɛ esa kikɛ malɛ maaŋ tiŋ n lara loŋ be kagbenefuli na ashi menyi to. Loŋ be saŋɛ na ba fo, men maaŋ naŋ kule ma shɛŋ. Ma e kaŋɛ menyi kashenteŋto na fanɛ n Tuto na beeŋ sa menyi kusɔ kama nɛ men ta ma ketre ŋ kule mo.

Ma e kaŋɛ menyi kashenteŋto na fanɛ menyi ere beeŋ boŋ to nseŋ shu anishichubi, ama durnya ere to ebi bre be ŋgbene beeŋ fuli bumo. Kashenteŋ nna fanɛ menyi be ŋgbene bee jija menyi, ama menyi be kagbenejija na beeŋ ba ki kagbenefuli.