Popular Bible Verses from ມັດທາຍ 8

Share

ພຣະເຢຊູເຈົ້າ​ຊົງ​ຕອບ​ວ່າ, “ເປັນຫຍັງ​ພວກເຈົ້າ​ຈຶ່ງ​ຢ້ານ? ໂອ ຄົນ​ທີ່​ມີ​ຄວາມເຊື່ອ​ຫນ້ອຍ​ເອີຍ” ແລ້ວ​ພຣະອົງ​ກໍ​ລຸກ​ຢືນ​ຂຶ້ນ​ສັ່ງ​ລົມ ແລະ​ຟອງ​ນໍ້າ​ໃຫ້​ຢຸດ ລົມ​ແລະ​ຟອງ​ນໍ້າ​ຈຶ່ງ​ງຽບ​ສະຫງົບ​ລົງ.

ແຕ່​ນາຍ​ທະຫານ​ຜູ້ນັ້ນ​ຕອບ​ວ່າ, “ບໍ່ໄດ້​ດອກ ພຣະອົງເຈົ້າເອີຍ, ຂ້ານ້ອຍ​ບໍ່​ສົມຄວນ​ທີ່​ຈະ​ໃຫ້​ພຣະອົງ​ເຂົ້າ​ໄປ​ໃນ​ເຮືອນ​ຂອງ​ຂ້ານ້ອຍ ຂໍ​ພຽງແຕ່​ກ່າວ​ຖ້ອຍຄຳ​ດຽວ​ເທົ່ານັ້ນ ຂ້ອຍໃຊ້​ຂອງ​ຂ້ານ້ອຍ​ກໍ​ຈະ​ດີ​ພະຍາດ.

ເມື່ອ​ພຣະເຢຊູເຈົ້າ​ໄດ້ຍິນ​ດັ່ງນີ້​ພຣະອົງ​ກໍ​ແປກໃຈ ແລະ​ເວົ້າ​ກັບ​ປະຊາຊົນ​ທີ່​ຕິດຕາມ​ພຣະອົງ​ມາ​ນັ້ນ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ຢູ່​ໃນ​ພວກ​ອິດສະຣາເອນ​ເຮົາ​ຍັງ​ບໍ່ໄດ້​ພົບ​ຜູ້ໃດ​ທີ່​ມີ​ຄວາມເຊື່ອ​ໃຫຍ່​ເຊັ່ນ​ນີ້.

ແລ້ວ​ພຣະເຢຊູເຈົ້າ​ກໍ​ເວົ້າ​ກັບ​ນາຍ​ທະຫານ​ວ່າ, “ເມືອ​ເຮືອນ​ສາ ເຈົ້າ​ເຊື່ອ​ຢ່າງ​ໃດ​ກໍ​ຈະ​ເປັນ​ຢ່າງ​ນັ້ນ​ສຳລັບ​ເຈົ້າ.” ຝ່າຍ​ຂ້ອຍໃຊ້​ຂອງ​ນາຍ​ທະຫານ​ກໍດີ​ເປັນ​ປົກກະຕິ​ໃນ​ເວລາ​ນັ້ນ​ເອງ.

ຄົນ​ເຫຼົ່ານັ້ນ​ຕ່າງ​ກໍ​ງຶດ​ປະຫລາດ​ໃຈ ແລະ​ເວົ້າ​ວ່າ, “ທ່ານ​ຜູ້​ນີ້​ເປັນ​ຜູ້ໃດ? ແມ່ນແຕ່​ລົມ​ແລະ​ຟອງ​ນໍ້າ​ທະເລ​ກໍ​ຍອມ​ຟັງ​ຄວາມ​ເພິ່ນ!”