Popular Bible Verses from Malakaus 14

Share

Nwg thov ntxiv has tas, “Kuv Txiv, kuv Txiv! Koj ua tau ib puas tsaav yaam huv tuabsi, thov koj muab lub khob nuav tshem ntawm kuv moog. Txawm le caag los thov koj tsi xob ua lawv le kuv lub sab nyam, tabsis ua lawv le koj lub sab nyam xwb.”

Hab Yexus has rua puab tas, “Mej yuavtsum ceevfaaj hab thov Vaajtswv paab, kev sim sab txhaj yuav ntxag tsi tau mej. Lub sab mas kub quas lug, tabsis lub cev qaug zug heev.”

Kuv qha tseeb rua mej has tas, qhov kws tug quaspuj nuav ua yuav nrov nchaa moog rua txhua qhov huv qaab ntuj kws muaj tuabneeg moog qha Txujmoo Zoo, kuas suavdlawg ncu txug tej kws tug quaspuj nuav tau ua lawm.”

Nwg has rua puab tas, “Kuv nyuaj sab kawg le, tub yuav tuag, mej ca le nrug kuv nyob ntawm nuav tsi xob tsaug zug.”

Thaus puab tseem taabtom noj mo, Yexus muab ib lub ncuav lug tuav ntawm teg. Nwg ua Vaajtswv tsaug hab muab lub ncuav ntawd ndlais cev rua nwg cov thwjtim hab has tas, “Lub ncuav nuav yog kuv lub cev, mej ca le txais moog noj.”

Tom qaab ntawd, Yexus muab ib khob cawv txiv maab lug hab ua Vaajtswv tsaug, nwg muab khov cawv ntawd cev rua puab, hab puab txhua tug txais haus. Yexus has rua puab tas, “Cov cawv txiv maab nuav yog kuv cov ntshaav kws ndlwg lug ntxuav ntau leej lub txim. Kuv cov ntshaav yog ua lub homthawj kws nas rua Vaajtswv txujlug cog tseg.

Yexus has rua puab tas, “Mej txhua tug yuav tsiv huv tuabsi tso kuv tseg, rua qhov Vaajtswv txujlug sau tseg lawm has tas, ‘Vaajtswv yuav tua tug tswv yug yaaj, hab paab yaaj yuav tawg nyag tsiv nyag moog taag huv tuabsi.’

Mej ca le sawv peb moog. Mej saib, tug tuabneeg kws ntxeev sab rua kuv tub tuaj txug lawm!”

Yexus has rua Petus has tas, “Kuv qha rua koj has tas, ‘Mo nuav thaus qab tsi tau qua ob tsig, koj yuav has peb zag has tas, koj tsi paub kuv.’ ”