Popular Bible Verses from Malakaus 13

Share

Txhua tug yuav ntxub mej, vim mej yog cov kws ntseeg kuv, tabsis tug kws ua sab ntev moog txug nub kawg, tug ntawd yuav dlim.

Mej yuavtsum ceevfaaj hab zuv tog, rua qhov mej tsi paub has tas, thaus twg yuav txug lub sijhawm ntawd.

Thaus luas nteg mej coj moog rua huv tej tsev has plaub, mej tsi xob txhawj has tas mej yuav has le caag; thaus txug lub sijhawm ntawd, Vaajtswv yuav qha kuas mej paub has, rua qhov tej lug kws mej has tsi yog mej tej lug; tabsis yog Vaaj Ntsujplig tug Dlawbhuv tej lug.

Lub ntuj hab lub nplajteb yuav pluj moog, tabsis kuv tej lug yuav tsi muaj ib lus poob le.

“Tabsis nub ntawd hab lub sijhawm ntawd, tsi muaj leejtwg paub. Txawm yog cov timtswv ceebtsheej lossis Tuabneeg leej Tub los yeej tsi paub; tsuas yog leej Txiv tuab leeg txhaj paub xwb.

Thaus mej nov suab ntaaj suab rag nyob ze mej hab nov tej tebchaws nyob dleb ua tsuv ua rog, mej tsi xob poob sab, yeej yuav xub muaj tej ntawd, tabsis tej ntawd tsi tau qha has tas, tub txug lub sijhawm nplajteb kawg lawm.

Yog le ntawd, mej yuavtsum zuv zoo zoo, rua qhov mej tsi paub has tas thaus twg mej tug Tswv yuav rov lug. Tej zag nwg yuav lug thaus tsaus ntuj lossis thaus ib taag mo lossis thaus qab qua lossis thaus kaaj ntug. Nyob tsaam nwg lug taamsim, hab pum mej tseem pw tsaug zug. Tej lug kws kuv qha rua mej, kuv has rua suavdlawg ib yaam nkaus tas, mej yuavtsum zuv Tog!”

Ib lub tebchaws yuav sawv tawmtsaam ib lub tebchaws, hab ib tsaav tuabneeg yuav sawv tawmtsaam ib tsaav tuabneeg. Yuav muaj aav qeeg txhua qhov, hab yuav muaj kev tshaib kev nqhes. Tej ntawd zoo ib yaam le tug quaspuj kws nyavnyuas pib mob plaab yuav yug mivnyuas.

Tabsis yuavtsum muaj tuabneeg moog qha Txujmoo Zoo rua txhua tsaav tuabneeg ua ntej tsaiv, maam le muaj tej nuav.

Yuav muaj ntau leej tuav kuv lub npe has rua mej tas, ‘Kuv yog nwg!’ Hab puab yuav ntxag ntau leej yuam kev.

“Mej yuavtsum ceevfaaj, rua qhov yuav muaj tuabneeg nteg mej coj moog rua huv tej tsev has plaub, luas yuav muab mej ntaus huv tej tsev saablaaj, hab yuav coj mej moog sawv taabmeeg tej numtswv hab tej vaajntxwv, vim mej yog cov kws ntseeg kuv, thaus ntawd yog lub sijhawm zoo rua mej qha Txujmoo Zoo.

Rua qhov yuav muaj tej Mexiyas cuav hab tej cevlug cuav lug ua tej txujci tseemceeb ntxag Vaajtswv tsaav tuabneeg saib puas yuav ntxag tau kuas puab yuam kev.

“Thaus tej kev txomnyem ntawd dlhau lawm, lub nub yuav tsaus, lub hli yuav tsi ci, tej nubqub sau ntuj yuav poob lug, hab txhua yaam kws muaj fwjchim nyob sau nruab ntug yuav ua zug koog huv tuabsi.