Popular Bible Verses from Malakaus 12

Share

Yexus teb has tas, “Nqai nuav yog nqai kws tseemceeb dlua ndlais; ‘Cov tuabneeg Yixalayees, mej ua tuab zoo noog! Tug Tswv kws yog peb tug Vaajtswv, nwg tuab leeg xwb txhaj yog tug Tswv. Mej yuavtsum hlub tug Tswv kws yog mej tug Vaajtswv kawg sab kawg ntsws, kawg plaab kawg plawv, hab kawg mej tug dlaag tug zug.’ Nqai ob kws tseemceeb has le nuav tas, ‘hlub mej tej kwvtij zej zog ib yaam le mej hlub mej lub cev.’ Tsi muaj dlua lwm nqai kws tseemceeb tshaaj ob nqai nuav lawm.”

Yexus hu nwg cov thwjtim lug cuag nwg hab has rua puab tas, “Kuv qha tseeb rua mej has tas, tug puj ntsuag kws pluag pluag ntawd tso nyaj ntau dlua lwm tug. Rua qhov lwm tug muab puab tej nyaj kws seem coj tuaj tso xwb; tabsis tug puj ntsuag kws pluag pluag nuav muab hlo ob lub txaj toog kws nwg muaj tuaj tso huv tuabsi.”

Yexus nyob ze lub phijxaab kws suavdlawg coj nyaj tuaj tso huv lub Tuamtsev, Yexus saib cov tuabneeg kws tuaj tso nyaj. Muaj cov tuabneeg npluanuj ntau leej tso nyaj ntau ntau rua huv lub phijxaab; hab muaj ib tug puj ntsuag pluag pluag muab ob lub txaj toog tuaj tso rua huv.

Yog le ntawd, yuavtsum hlub Vaajtswv kawg sab kawg ntsws, kawg plaab kawg plawv, hab kawg tug dlaag tug zug, hab hlub kwvtij zej zog ib yaam le yug hlub yug lub cev. Yog ua lawv le ob nqai nuav kuj tseemceeb dlua le yug muab tej tsaj tua theej txhoj, hab muab khoom hlawv fij rua Vaajtswv.”

Yexus has tas, “Yog le ntawd, yaam kws yog Xixas le, mej ca le muab rua Xixas, hab yaam kws yog Vaajtswv le, mej ca le muab rua Vaajtswv.” Thaus puab nov Yexus has le ntawd, puab xaav tsi thoob le.