Popular Bible Verses from Genesis 18

Share

Vel nhee erbee ro ghoillee da’n Chiarn? ec y traa pointit, hig-yms reesht cordail rish y traa cooie, as ver Sarah mac son y theihll.

Shen-y-fa, ren Sarah garaghtee cheu-sthie jee hene, gra, Erreish dooys v’er n’aase shenn, bee yn boggey shoh aym, fakin dy vel my hiarn shenn myrgeddin?

Fakin dy jig Abraham dy shickyr dy ve ny ashoon mooar as niartal, as dy bee ooilley ashoonyn y theihll er nyn mannaghey aynsyn.

As hayrn Abraham er-gerrey, as dooyrt eh, Jean oo myrgeddin stroie yn sleih ynrick marish ny mee-chrauee. Abbyr, dy bee jeih as da-eed dy leih cairal cheu-sthie jeh’n ard-valley: jean oo myrgeddin stroie as gyn sparail yn ynnyd er graih yn jeih as da-eed dy leih cairal oddys ve ayn.

As dooyrt y Chiarn, My yioym ayns Sodom jeih as da-eed dy leih cairal ’syn ard-valley, eisht nee’m yn slane ynnyd y sparail er y graih ocsyn.