Popular Bible Verses from Genesis 17

Share

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Chamoo vees dty ennym arragh Abram, agh Abraham vees dty ennym, son ta mee er n’yannoo uss ayr ymmodee ashoonyn.

As nee’m my chonaant y niartaghey eddyr mish as uss, as dty luight dty yeï, ayns ny sheelogheyn oc, son conaant dy bragh farraghtyn, dy ve my Yee dhyt’s as da dty luight dty yeï.

Er my hon’s, cur-my-ner ta my chonaant mayrt’s, as bee uss ayr ymmodee ashoonyn

As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.

As ver-yms dhyt’s, as da dty luight dty yeï, yn cheer raad t’ou dty yoarree, ooilley cheer Chanaan, son cummal foddey beayn; as beem’s yn Jee oc.

As huitt Abraham er e eddin, as ren eh garaghtee, as dooyrt eh ayns e chree, Bee lhiannoo er ny ruggey dasyn ta keead bleïn dy eash? as jean Sarah, ta kiare-feed bleïn as jeih, lhiannoo y ymmyrkey?

As dooyrt Jee rish Abraham, Er son Sarai dty ven, cha jean oo ee y enmys Sarai, agh Sarah vees yn ennym eck.

As nee shiu giarey-chymmylt yn eill eu, as bee eh cowrey jeh’n chonaant ta eddyr mish as shiuish.

Agh my chonaant nee’m y hickyraghey rish Isaac, eh nee Sarah gymmyrkey dhyt ec y traa cooie yn vleïn shoh cheet.

As bee eshyn ta hoght laa dy eash er ny yiarey-chymmylt nyn mast’ eu, dy chooilley lhiannoo mac ayns ny sheelogheyn eu, eshyn t’er ny ruggey ayns y thie, ny kionnit lesh argid veih’n joarree nagh vel jeh dty luight. Eshyn ta ruggit ayns dty hie, as eshyn ta kionnit lesh dty argid, shegin da ve er ny yiarey-chymmylt: as bee my chonaant ayns yn eill euish, son conaant foddey beayn.