Popular Bible Verses from Matayus 7

Share

“Rá in wôn pyɛ de yin e simo na Dagwi, ko a rɔda nɔng in. Jāma hin, ko yin a rɔda sɛ̀ pyɛ de yin a sé jāma. Kwɔgɔt hin, ko ba rɔda wunta a yin rwi duk o.

Yaga kawɛ mwat de e ra wôn pyɛ cak, ba rɔda nɔng ɛ yɛ; ko yɛ womo de e jāma pyɛ cak, a rɔda sɛ̀; ko yɛ womo kwong de e kwɔgɔt rwi duk, ba rɔda wunta a yɛ gwɛ.

“Yaga ano, kawɛ mwat de e wet betong na neha hom nemo, na a gyeng nɛ, a sé sede mwât netsitsɛng de a lɔk lɔ mɛ e ra gbondong.

“Yaga ano, kayɛ jeng rá in a bemat tyɛng pyɛ de yin e simo yɛn a ra a yin arɔng. Badu Mose tanga bása bezarap Dagwi ba sé e ra tɛ̂t há hane mo.”

Ko ruhup de gwa sé wɔ e kwɔ̂n neken gwa sé ngyɔgɔdɔk, ko gwông wɔ e hwomo gwa to sé gbang, ko a sé bemat tyɔng zɔng de be sè gwɛ.”

“Yél in e ruhup de gwa sé ngyɔgɔdɔk! Yaga ruhup de gwa sé wɔ e kwɔ̂n kya gwa sé gbey, ko gwông wɔ e hwomo gwa to sé gbang wɛt, ko a sé bemat pyak de be kwey e gwɛ.

Ka sede yin kwong de yin a sé beves yin e tɔk nɔ̂ng nèy min pyɛ́ ryat, tàga Da min e lagwi a rɔda nɔ̂ng vemo de ba ra won na yɛ pyɛ́ ryat!

“Yin kwon ra a bemat shɔt wɛt, yaga na Dagwi a ba ra a yin yɛ arɔng wɛt. Yaga Dagwi a rɔda ra a yin shɔt e gwong gwining de yin a ra a bemat yɛ, ko a rɔda raa begwong de yin á kana raa e jeng de yin a ra a bemat behak shɔt arɔng.

Ko kawɛ mwat de e wet betong na neha hom nemo wɛt, na a gyeng nɛ wɛt a sé sede tɔn de a lɔk lɔ mɛ e ra bazɛk.

Yaga sɛ́ de hwó di keshugu e yîs gwa mō, ko hwó tɛ̀ tong na bak cɔgɔt de wa sé e yis mō wɛt ɛ? Kɛ e rɛ̌ de hwô tɔk yâng gwa mō, ‘Tik me pat a hwo keshugu kane e yis mō’, e jeng de bak cɔgɔt wa sé e yis mō ɛ?

“Tē in naka na bezarap Dagwi vê bɔs! Yɛn e vɛ̀sɛ na yin, ko jeng de yin e bɛrɛng hɛn, yin e bare, yɛn a sé vyēl pyɛng, ko e ji hâ mwin, yɛn a sé sede ngyāma vyes e neyey mɛn. Yin ê tɔk ɛn yi na tomong mɛn. Bemat be tɔk vos nèy anap e ra serɔgɔ kɛ nèy regwi e ra jaal arɛt?

Kayɛ cɔgɔt ryat ye tɔs nèy nerat, ko cɔgɔt vyes ye tɔs nèy neves arɔng.

Cɔgɔt ryat ye tɔk tɔs nèy neves wɛt, ko cɔgɔt vyes arɔng ye tɔk tɔs nèy nerat wɛt.

Kayɛ cɔgɔt de ye tɔs nèy nerat wɛt, be tow yɛ, be bomo yɛ e kya.