Popular Bible Verses from Matayus 5

Share

Ko vit a mwat de ê tɛ̀ kya e kywa-kya na a ye gup a wɛ na kwɛt. Ko ê tik wɛ e ra kwɔn de ha sé garang, ko wô nɔ̂ng kawɛ mwat de a sé e ji lɔ negbey. Ano arɔng, tik na negbey min ne lolo e nuyêl bemat, yaga na yɛn a bin di tomong min rat o, na yɛn a somo Da min de a sé e lagwi.”

“Yin a sé sede negbey yaga bemât jey. Repomo de ba lɔk rɛ e ra tɛ̂t rahwol re tɔk sè e lɛrɛ wɛt.

Vê yey pyɛng a vemo de neyey mɛn na sé haalal, yaga yɛn a rɔda di Dagwi!

Vê yey pyɛng a vemo de be simo tyɔng wɛt pyɛ́ de Dagwi e simo, yaga a rɔda nɔng ɛn pyɛ́ mo shɛrɛk!

Ko me ma sé ha a yin, tɛ̀ in yey na bemât repugu min, ko rá in won yaga vemo de ba sé tak a yin reyɔm.

“Vê yey pyɛng a vemo de ba tɔk, yɛn a sé bepɛng e ra pyɛ́ de ya sé yê Dagwi, yaga yɛn a sé nèy vwel ne Segwɔm Lagwi!

Vê yey pyɛng a vemo de be tɛ̀ bemat be sangal tyang na bemɛn, yaga Dagwi a rɔda tang ɛn, à nèy mɛ!

Vê yey pyɛng a vemo de neyey mɛn ne lashe hɛn, yaga Dagwi a rɔda wɔrɔk hɛn!

Vê yey pyɛng a vemo de be tak a yɛn reyɔm, yaga yɛn e ra pyɛ́ de ya sé ryat e nuyêl Dagwi; yɛn a sé nèy vwel ne Segwɔm Lagwi!

Vê yey pyɛng a vemo de be wok nemwishish bemat, yaga Dagwi a rɔda wok nemwishish mɛn arɔng!

“Yin a sé vê yey pyɛng jeng de bemat be dùsa hin, ko be tak a yin reyɔm, ko yɛn e ha neha neves detidetu ne bɔs e ra yin arɔng, yaga yin e raa me. Vɔk in yey pyɛng sedesi, yaga pyɔlɔ min ya rɔda ba sè pyak e lagwi. A sé e gwong gwining o de bà kana tak a bezarap Dagwi reyɔm, yɛn vemo de bà tānga vey e ra yin.”

Vê yey pyɛng a vemo de be dyɛngɛs bato mɛn, yaga Dagwi a rɔda nɔng ɛn jey na ye sè myɛn!

“Yin a sé sede nevwashe yaga bemât jey. Ko ka sede nevwashe na tik tâ nɛ, e rɛ̌ de bê to tɔk tɛ̀ nɛ ne ta arɛt? E ngamo nuyel na to vɔk nerat yaga pyɛ cak wɛt. Yaga ano, be losho nɛ zɔng, na bemat be bɔrɔs nɛ.

Yaga ano, tik na yin a sila gyat, tyɛng sede Da min de a sé e ji lagwi a sila gyat arɔng.”

Tik na pyɛ de yin a ha ye sè ‘ey’ kɛ ‘wey’ zɔng. Ka sede yin e to ha pyɛ cak detu, ko ya yi na Shetan, wo neves.”

“Yin a ga wok pyɛ de bà ha wɔgɔ, ‘Mwat de a pat a mumwɛ yis, be pat a yɛ mɛ arɔng, kɛ a sé hwin ayi, be pat a yɛ mwɛ arɔng.’ Ko me ma sé ha a yin, ka sede mwat hwak a ra a hwo pyɛ vyes cak, hwo kwon toyo a yɛ mɛ̀ ano wɛt. Ka sede mwat hwak a fala hwo e rwanâng vwɔ yege, ko doyo a yɛ gwot na a to fala arɔng.

Ka sede reyis mō rê vwɔ yege re tɛ̀sɛ hwo na hwo ra banɛn, ko pat rɛ, na hwo bomo rɛ. A dal naka na hwo bidɛ dem hining hê rebek mō, de bê bomo rebek mō burang e kwɔ̂n kya. Ko ka sede vwɔ yege mō gwo tɛ̀sɛ hwo na hwo ra banɛn, kpɔktɔ gwɛ, na hwo bomo gwɛ. A dal naka na hwo bidɛ dem hining hê rebek mō, de hwô yel e kwɔ̂n kya na rebek mō burang.”