Popular Bible Verses from Matayus 14

Share

Ko jeng de a di gul de gwa pɛsɛl na gap, a tɛ̀ bengyip, ko a hwo kyè wɔ̀ ye pyɔp. A tɛ̀ sekun, a ye, “À Darwey, sey me!” Remo-remo, Yɛsu a nára a yɛ vwɔ mɛ, a kaba hɛ, ko a yang ɛ, “À hwo de hwà tɛ̀ gap mō mwa e ra me wɛt! Yaga sɛ́ de hwà tó yey arɛt?”

Ko jeng de a di gul de gwa pɛsɛl na gap, a tɛ̀ bengyip, ko a hwo kyè wɔ̀ ye pyɔp. A tɛ̀ sekun, a ye, “À Darwey, sey me!”

Yɛsu a vɛ̌ hanat na yɛn, a yang ɛn, “Vɔk in yey ting! A sé me. Yin wok bengyip wɛt!”

Ko Bitrus a toyo a yɛ, a ye, “À Darwey, ka sede a sé hwo wɛ, yang me, me vey na hwo e ra tɛ̂t nshi mo.” Yɛsu a yang ɛ, “Vey!” Bitrus a gyirik yi e dwa-nshi mo, ko a hwo kyè e ra tɛ̂t nshi vɔk na Yɛsu.

Ko vemo de ba sé e ji dwa mo ba re a yɛ fongol, ba tē, “Mwin, hwà sé Hwey Dagwi!”

Ko Yɛsu a toyo a yɛn, a ye, “A sé gbing-gbing na yɛn a kyè wɛt. Yin pyɛ min, nɔng in hɛn pyɛ cak na be re.” Yɛn a yang ɛ, “Kéy kàa! Pyɛ de wot a vɔk e ngamo ya sé bāgat kpam-tuk batungun na betɔk beba zɔng!”

A yang ɛn, “Vey in na vɛ e ngamo na me.” Ko a tɛ̀ bemat o be sangal e ra sɔng. Ano arɔng, a jut bagat kpam-tuk vane batungun tanga betɔk beba, a tɛ̀ bayis mɛ vɔk e lagwi, ko a feng a Dagwi yaga pyɛ́ mo. A hwo kwɔrɔs bagat o, a nɔ̂ng bemât masâ fwom mɛ, ko bemat mɛ ba gas a bemat o vɛ arɔng.

Yɛn mwa ba re, ba siris. Bwang o gwa pɔl, ko bemât masâ fwom mɛ mo ba to sila sháp kuru na yɛ bya (12) na cɛ́k o de ya pɔl.