Popular Bible Verses from Matayus 13

Share

Ko yére de ba bere e nefongol nerat ya sé e tô bemat de be wok reha mo, ko be tɔk rɛ. Be ra mɛ̀ fwom naka, sede yére de ya tɛ̀ zang naga (100), cak kuru batyiimin (60), ko cak kuru batat (30) arɔng.”

Yére de ya gaba e ji serɔgɔ ya sé e tô vemo de be wok reha mo, ko bɔrɔ̂k pyɛ̂ jey, na netâ yas ye vo reha mo, ko re mara wɛt.

Bemat de be wok há e ra Segwɔm Dagwi, ko yɛn a tɔk hɛ wɛt, yɛn a sé sede yére yane de ya gaba e tê gwong. Shetan, wo neves, e vey, ko e sey ɛ̀ na gap pyɛ de bá kana bere e neyey mɛn.

Yére yane de ya gaba e ra kusha ya sé e tô bemat de be wok reha mo, ko e ji jeng o, yɛn e sey rɛ na yey pyɛng. Ko re tɛ̀ berinis e ji mɛn wɛt, yɛn e pɔl ɛ̀ ba wɛt. Jeng de reyɔm re vey, kɛ be hwo tak a yɛn reyɔm yaga reha mo, ko remo-remo, yɛn e to ɛn na bama.

“Segwɔm Lagwi sa sé sede ngan: Mwat hwak a sɛ̀ yas de bá kana lɛrɛ e ji cap. Jeng de a sɛ̀ yɛ, a to bang yɛ e hwomo gbak. Ko yaga a vɔk yey pyɛng ding-ding, a kyè, a wɔ̀ row kayɛ pyɛ de a vɔk, ko a sey mɛ̀ cap yane mo.”

Ko cak arɔng ya gaba e nefongol nerat, ya tɛ̀ yéneng, ko ba sɛ̀ pyɛ de ba bere zang naga (100), cak kuru batyiimin (60), na cak kuru batat (30).”

Tík in na mwa yɛ̄ bya ye ras e dem o sɛ̌ jeng bwal. E jeng yane, ma rɔda yâng bemât bwal o: Tānga tula hin behwěy o e ngyen, na yin a rɔgɔs vɛ bapam o bapam o, na be tɛ̀ kya e vɛ arɔng. E bama mo, toyo hin na yin a wɔ̀ yɛt alkama mo, na be bang wɛ e ji gban hom.’ ”