Popular Bible Verses from Ikwaan̄ 4

Share

Ilọ me lek kè Jisọs, kpunu ofifi ene geege òbokọt inyan̄a ene, mije, kpunu ofifi erieen̄ geege eyi Awaji onyibe me etete ebilene me otutuuk linyọn̄ keyi, eyi eji mêkọtbe ikaan̄ unyan̄a inan̄a me lek, ilọ erieen̄ kè Jisọs gaalek.”

Mgbọ ema eriaakbe uriaak ya isan̄a, ere ya ema ekupbe osisisik. Ekwukwu Mbuban oninin̄ ijot ema emen. Ema etutumu ikọ Awaji me unye. Ukpook geege ìkatet ema.

Me mgbọ keyi, Okumugwem, owu omun̄ ubọk ife chi ekiweek itatap eji ukpook me lek. Rọ inyi eji ebi ikwaan̄ kwun̄ enye otu etumu ikọ kwun̄ me ekatetge ukpook geege.

Jisọs yi si ke Ikpa Mbuban otumu ikọ ibak ibe, “ ‘Ewuuk ya eyi ebi ìnama uwu ejitbe, ọmọ oyaka inikana ire ata ibot uwu.’

Mgbọ ebi Oru cha emun̄be ubọk Pita mè Jọn esabe itumu ikọ me isi kiban̄, kpetet ukpook, mè iriọọn̄ si ibe ke ife cha ìre ebi ikike, ebi kpebọkọ ikween̄-inu geege, mbiribọ ogwogwook ema me lek. Mgbọ ya ke ema enimun̄ ibe ke igọgọọk Jisọs ije eyi Pita mè Jọn egọọkbe ije îsi ikwaan̄ me emen kiban̄.

Me mgbọ ya, otutuuk ebi ìchechieek me lek kè Jisọs ekiluk me ekiket ge, mè ejit ge. Kpunu ogwu òbe ke inu ọmọ okaan̄be ìre eyi kan̄ gaalek. Ire, ema ekigbagbaan̄ iche inu ene geelek okaan̄be.