Mgbọ îsabe ikpoko ya inu, Pita obebe ọmọ, “Ananayas, ìre keke orọ ochieekbe ibe Setan inin̄ ijot owu ejit ikeyi, mè irọ inyi owu òfele usini me lek ikpoko obọkọbe me lek ijọn̄ kwun̄ onyambe òsun̄ ònyi lek kwun̄, mè ònu ònokan̄ ataak ònyi Ekwukwu Mbuban? Ijọn̄ ya ìre eyi kwun̄ sabum oninyanyam. Mgbọ onyambe, mè ibọkọ ikpoko, ikpoko ya si ìre eyi kwun̄, owu okaan̄ unye me lek. Ìre keke orọ mè owu òkeek irọrọ ojelek inu òkup ikeyi? Ataak keyi owu okan̄be, òkakan̄ ìnyi ebilene, îre Awaji ke okan̄ inyi.”
Mgbọ yaage Ananayas onọbe ikọ ya Pita otumube, irọrọn̄ me ijọn̄, mè ikwu. Ikpele ukpook otetet otutuuk ebi geelek ìnọnọ inu ya òrọrọ.