Popular Bible Verses from Lùcas 13

Share

“Dèanaibh spàirn chruaidh airson a dhol a‑steach tron doras chumhang. Oir tha mi ag innse dhuibh gum feuch mòran ri dhol a‑steach agus cha bhi e an comas dhaibh.

Agus bha boireannach an sin aig an robh spiorad laigse fad ochd bliadhna deug. Bha i crùbte sìos oirre fhèin agus cha b' urrainn dhi i fhèin a dhèanamh uile‑gu‑lèir dìreach. Nuair a chunnaic Ìosa i, ghairm e oirre agus thuirt e rithe, “A bhoireannaich, tha thu air do shaoradh od laigse.”

Agus chuir e a làmhan oirre, agus anns a' bhad chaidh a dèanamh dìreach agus thug i glòir do Dhia.

Agus seall, tha cuid air dheireadh a bhios air thoiseach, agus tha cuid air thoiseach a bhios air dheireadh.”

Aon uair 's gu bheil maighstir an taighe air èirigh agus air an doras a dhùnadh, agus a thòisicheas sibhse air seasamh a‑muigh agus gnogadh air an doras, ag ràdh, ‘A thighearna, fosgail an doras dhuinn’, an uair sin freagraidh esan sibh, ‘Chan eil fios agam cò às a tha sibh.’

Cha robh, tha mi ag ràdh ribh! Ach mura dèan sibh aithreachas thèid sibhse uile a sgrios cuideachd.”

“Ach canaidh esan, ‘Tha mi ag ràdh ribh, chan eil fios agam cò às a tha sibh. Thallaibh uam, uile luchd‑dèanamh na h‑eucoir!’

An uair sin thuirt e, “Cò ris a tha rìoghachd Dhè coltach, agus cò ris a shamhlaicheas mi i? Tha i coltach ri gràinne mustaird a ghabh duine agus a chuir e na ghàrradh. Dh'fhàs e gus a bhith na chraoibh, agus rinn eòin an adhair neadan na geugan.”