Popular Bible Verses from Romíoṉ 7

Share

Apne Ḳhudáwand Yisúʻ Masíh ke wasíle se Ḳhudá ká shukr kartá húṉ. G̣araz maiṉ ḳhud apní ʻaql se to Ḳhudá kí sharíʻat ká, magar jism se gunáh kí sharíʻat ká mahkúm húṉ.

Kyúṉki maiṉ jántá húṉ ki mujh meṉ, yaʻní mere jism meṉ, koí nekí basí húí nahíṉ: albatta iráda to mujh meṉ maujúd hai, magar nek kám mujh se ban nahíṉ paṛte.

Chunáṉchi jis nekí ká iráda kartá húṉ, wuh to nahíṉ kartá: magar jis badí ká iráda nahíṉ kartá, use kar letá húṉ.

Pas agar maiṉ wuh kartá húṉ jis ká iráda nahíṉ kartá, to us ká karnewálá maiṉ na rahá, balki gunáh hai jo mujh meṉ basá húá hai.

G̣araz maiṉ aisí sharíʻat pátá húṉ, ki jab nekí ká iráda kartá húṉ, to badí mere pás á maujúd hotí hai. Kyúṉki bátiní insáníyat ke rú se to maiṉ Ḳhudá kí sharíʻat ko bahut pasand kartá húṉ

Aur agar maiṉ us par ʻamal kartá húṉ, jis ká iráda nahíṉ kartá, to maiṉ mántá húṉ ki sharíʻat ḳhúb hai.