Popular Bible Verses from Marqus 13

Share

Aur mere nám ke sabab sab log tum se ʻadáwat rakkheṉge: magar jo áḳhir tak bardásht karegá, wuh naját páegá.

Ḳhabardár, jágte aur duʻá máṉgte raho; kyúṉki tum nahíṉ jánte, ki wuh waqt kab áegá.

Lekin jab tumheṉ le jákar hawále kareṉ, to pahle se andesha na karná, ki ham kyá kaheṉ; balki jo kuchh us ghaṛí tumheṉ batáyá jáe, wuhí kahná; kyúṉki kahnewále tum nahíṉ ho, balki Rúhuʼl Quds hai.

Ásmán aur zamín ṭal jáeṉge: lekin merí báteṉ na ṭaleṉgí.

Lekin us din yá us ghaṛí kí bábat koí nahíṉ jántá, na ásmán ke firishte, na Beṭá, magar Báp.

Aur jab tum laṛáiyáṉ, aur laṛáiyoṉ kí afwáheṉ suno, to ghabrá na jáná: in ká wáqiʻ honá zarúr hai; lekin us waqt ḳhátima na hogá.

Pas jágte raho: kyúṉki tum nahíṉ jánte ki ghar ká málik kab áegá; shám ko, yá ádhi rát ko, yá murg ke báṉg dete waqt, yá subh ko; aisá na ho ki achának ákar wuh tum ko sotá páe. Aur jo maiṉ tum se kahtá húṉ, wuhí sab se kahtá húṉ, ki Jágte raho.

Kyúṉki qaum par qaum, aur bádsháhat par bádsháhat chaṛháí karegí; jagah jagah bhauṉchál áeṉge, aur kál paṛeṉge: yih báteṉ musíbatoṉ ká shurúʻ hí hoṉgí.

Aur zarúr hai ki pahle sab qaumoṉ meṉ Injíl kí manádí kí jáe.

Bahutere mere nám se áeṉge, aur kaheṉge, ki Wuh maiṉ hí húṉ; aur bahut se logoṉ ko gumráh kareṉge.

Lekin tum ḳhabardár raho; kyúṉki log tumheṉ ʻadálatoṉ ke hawále kareṉge, aur tum ʻibádatḳhánoṉ meṉ píṭe jáoge, aur hákimoṉ aur bádsháhoṉ ke áge mere sabab házir kíye jáoge, táki un ke liye gawáhí ho.

kyúṉki jhúṭhe Masíh aur jhúṭhe nabí uṭh khaṛe hoṉge, aur nishán aur ʻajíb kám dikháeṉge, táki agar mumkin ho to barguzídoṉ ko bhí gumráh kar deṉ.

Magar un dinoṉ meṉ, us musíbat ke baʻd, súraj tárík ho jáegá, aur chánd apní raushní na degá, aur ásmán se sitáre girne lageṉge, aur jo quwwateṉ ásmán meṉ haiṉ, wuh hiláí jáeṉgí.