Popular Bible Verses from Matí 25

Share

Bádsháh jawáb meṉ un se kahegá; Maiṉ tum se sach kahtá húṉ, chúṉki tum ne mere in sab se chhoṭe bháiyoṉ meṉ se kisí ek ke sáth yih kiyá, is liye mere hí sáth kiyá.

Us ke málik ne us se kahá; Ai achchhe aur diyánatdár naukar, shábásh! tú thore meṉ diyánatdár rahá, maiṉ tujhe bahut chízoṉ ká muḳhtár banáúṉgá: apne málik kí ḳhushí meṉ sharík ho.

Kyúṉki jis kisí ke pás hai, use diyá jáegá, aur us ke pás ziyáda ho jáegá; magar jis ke pás nahíṉ hai, us se wuh bhí, jo us ke pás hai, le liyá jáegá.

Pas jágte raho, kyúṉki tum na us din ko jánte ho, na us ghaṛí ko.

kyúṉki maiṉ bhúká thá, tum ne mujhe kháná khiláyá; maiṉ piyásá thá, tum ne mujhe pání piláyá; maiṉ pardesí thá, tum ne mujhe apne ghar meṉ utárá

Us ke málik ne us se kahá; Ai achchhe aur díyánatdár naukar, shábásh! tú thoṛe meṉ diyánatdár rahá, maiṉ tujhe bahut chízoṉ ká muḳhtár banáúṉgá; apne málik kí ḳhushí meṉ sharík ho.

naṉgá thá, tum ne mujhe kapṛá pahináyá; bímár thá, tum ne merí ḳhabar lí; qaid meṉ thá, tum mere pás áe.