Popular Bible Verses from MATTHEW 28

Share

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu, kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

Kha kazingrao china sha̱nao khani chili hānga. “Mangacheealu, khikhalajila nathumna krushtungli shaothat kahaiya Jishuli kaphāna kaji ina thei. A hili maleimana, khikhalajila ana hāngkahai athishurda ava ringshokhaira. Ali chipet kahai pam hi rāyanglu.

Jishuna anili hānga, “Mangacheealu, vālaga ichināngarāli Galileeli tākhavai hānglu kala apam chili athumna ili theira.”

Pāngmon akhokabingna ararnaobingli ngasoda kaziplaga ngasanrum kahaiwui thili, athumna shipaibingli lupā tarākha mida hānga, “Hithada hānglu, ‘Ithum piphup eina leilakha awui sākhangatha̱bingna rālaga awui angun rālithuihaowa,’ kala Governorna shaakha, nathum mayonmana da ithumna nathumwui vang phayetmihaora kala chiwui vang nathumna malung ringkhavai khikha maleimana.” Chieina athumna lupā chi khuilaga athumli hāngchithei kahai chithada sai. Chiwui vang eina aja rāshungda Jihudibingwui ngachaili khararchān hi ngachānda lei.