Popular Bible Verses from MATTHEW 27

Share

kala pung kachikomaikhali Jishuna panglāk eina vaoda hānga, “Eli, Eli, lama sabachthani” kaja “Iwui Vare, iwui Vare, nana ili khisāda horhaokhala?”

Chiwui thili khorumshimwui kachon rānkahai chi ato eina thuilaga aze tāshungda akai khani sāhaowa. Okathuila nganuka, kala lunghārbingla ngawokkhai, chikhurla shohaowa kala thihaira̱kasā Vareli shitkasangabing kachungkhala ringshok ngasaka.

Jishuna panglāk eina ringāluishitta amanglā chihohaowa.

Jishuli mayonkapama raimiwui akhavā eina ali khangaso awui shipaibingna neina̱ kakhanuk, kala kashokshok chi kathei eina ngacheekhaihaoda hānga, “Kachangkhat eina hi Varewui naomayarana.”

Ara pung katharukawui eina thuida pung kachiko eina tangda ngalei katonga tangmangtinghaowa.

“Chithākha Khrista kaho Jishuli ina khi sarakhala?” da Pilatena ngahāna. “Ali krushli shaoshānhaolu” da athum saikorana ngahānkai. Chieina ana hānga, “Khiwui vang, ana khi khayon sāhaokhala?” Kha athumna pangmeikhar vaoda hānga, “Ali krushli shaoshānhaolu.”