Popular Bible Verses from MATTHEW 6

Share

Khava kanek a heirakip chungchôna Pathen Rengram leh adikna kha jong ruh, khan chu khavahei seng kha apeksa sik chei.

Khava jâra jîng kani sik malung manrim mak ruh; jîng kania malung inrimpui akatluk hrep leika-om sik. Ani kataia inrimna chunga khan hapsa sik rangei mak.

“Hiva jâra kahri pek chei kae, nanhringna sik a nanta rangei sâk leh in hei chunga, a-emak leh nantaksa sik a pōnsi derkeihei chunga nanmalung manrim mak ruh. Hei-achang inum bu kanek a hringkhō man akatam jôk changmak mo? Khana pōnsi derkei kanek a taksa man akatam jôk changmak mo?

Tâk nangni’n nander pha, innden a hlut ruh, kot inkamsi ruh, hmit a a’nhmu mak nanpa hneng rirûk a der ruh. Khana marûk a naṭōntlo akahmu nanpa khan tloman kha apek sik chei.

Achang jâra nangni’n hinga nantader sik kae: ‘Marvâna ka-om kan-Pa: Narahming kaja om rasoh; narengram jōng tlung rasoh; marvâna nalungdo a’ntlo kapōa raleichunga’m intlo rasoh.

Tuning kani kankatluk sik sâk leh in apek roh.

Keini’n kanchunga akaṭhe hei kantarangei mandam kapōa kanṭhena arangei mandam roh.

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

“Mi’n nanchunga antaṭhe hei kha nanrangei mandam he’nchu, marvâna nan-Pa’num nangni ṭhenahei kha arangei mandam sik chei.

Vahei so en hei ruh: hmuchi vormak hei, khôm mantûp mak hei khana sasōr a’m manbuk mak hei; kha’num marvâna nan-Pa’n a-ensui hei! Vahei kanek a nangni mankatam jôk changmak chei mo?

“Ra-nge leh thîr-ek tasâk manhmangthei, khana inru’n asuk khōia amarûkthei hmun raleichunga nankarōi manbuk mak ruh. Khava kanek a, ra-nge leh thîr-ek tasâk manhmangthei makna hmun leh inru’n asuk khōia amarûk tor makna marvâna nankarōi manbuk ruh. Ajârchu nankarōi omna a khan nanmalung um ka-om sik.

“Tûte inkhat in akapu 2 sōk chang tor mak; inkhat a-enkada sik a kha inkhat alungset sik; inkhat arazen sik a kha inkhat donmak ning. Nangni’n Pathen leh karōi kha razensap tor mak chei.

Tuning hin ka-oma jîng leh chu ratap shunga ro manhlut sik hei, ram thōia phihei ret kasyem kha Pathen kae. Akakhe chet a amanret ngermak sik chei mo? Heituk taksenna katlôm jo chei mo!

Tâk nangni’n akaneimak mi nanpek pha, naṭhōn inhnai puipen kha’num amanhret makna sik tlo ruh. Khavakha mi manhret lo ṭōn akae sik kae. Khana nanṭōn tlo marûk a akahmu nanpa khan tloman apek male sik chei kae.

“Nangni bekṭōn kha mihei tahmu sik a mipui kâra akatlo hnâm nanchang makna sik intluk nger ruh. Mipui hmaikunga nantatlo achang inchu marvâna nanpa a inphut tloman inkhatbek chenmak tin chei.

“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei. Nangni’n bu nanhngōi pha, nanhmai inphet una, nanlu inkhui kaṭha ruh, khang’khan nanbu hngōi kha mihe’n anmanhret makna sik, hmit hmulo nan-Pa rōk in amanhretna sik a tlo ruh. Khana marûk a nantatlo akahmu sōt nan-Pa khan tloman kha apek sik chei.