Popular Bible Verses from MATTHEW 5

Share

Tûte’num thaihmei adet kha hrai thōia makhu phungmak, tâk amatungna chunga ada khana innshunga ka-om rakip sik a ara-âng manvâr. Khava kapōhrep a nanvâr kha mihei hmaikunga akavâr nger sik kae, khanba nanṭōn kaṭha tlo kha anmani’n anhmu sik a kha marvâna nanpa kha antachoi ka-ân sik kae.

“Nangni vânhnōi pumpui sik a vâr kapō chei kae. Tlâng chunga a’nsak khōpui kha inthup tor mak.

“Malung intheng hei kha anmahâm kaṭha; Pathen antahmu sik kae!

“Pathen lungdo katlo hnōm hei kha anmahâm kaṭha; Pathen in pui katluk a amankhop sik hei!

Tâk tûn kahri pek chei kae: nakadōihei lungset hei roh khana nakasuk inrim hei sik derpek hei roh

“Rathla a antlâksamna inhret hei anmahâm kaṭha; marvân rengram kha antâ kae!

“Intōk inchamna katlohei kha anmahâm kaṭha; Pathen in asahei ati sik hei!

“Ṭajai kasui hei kha anmahâm kaṭha; Pathen in lungmōng athlâk sik hei!

“Pathen tarangei kha antlo jâra suk manrimna ka-om hei kha anmahâm kaṭha; marvân Rengram kha antâ kae!

“Milak chunga lungsetna kaneihei kha anmahâm kaṭha; Pathen in alungset sik hei!

“Kei nanjui eng jâra mi’n inzakna anpek cheia antlo manrim cheia khana nanchunga akaṭhamak maleisei hingja anhri pha a nanmahâm kaṭha; Inpâk ruh khana tlai ruh, ajârchu marvân chunga inpâkman kalen kha dapek jo chei kae. Nanhma aleika-om sânkathemhei kha’m hinga anta leisuk manrim hei kae.

“Malung innem hei kha anmahâm kaṭha; Pathen ṭongtepna kha anchen sik!

“Nangni mihring jât pumpui sik a chi kapō chei kae. Chi kha a-êna asep jo’nchu, avea man-e theina sik ahlam om mak jo. Hnemna kase kachang jo, achang jâra anhlonsōt a mihe’n anchōn rachia kae.

Marvâna nan-Pa kha pui katluk kapōa, nangni um pui akatluk nger sik chei kae.

‘Ôk’ a-emak leh ‘Dâng’ ti hnâm ruh, hiva kakhea nahri kha Akaṭhamak Inkhatpa a inphut ahei kasōk kae.

“‘Hmit inkhat sik a hmit inkhat, khana ha inkhat sik a ha inkhat,’ tia a’nhri kha nangni’n nanthei jo. Tâk tûn ke’n kahri pek chei kae: nanhnenga dikmak katlo chunga phu hlōmak ruh, tâk tu inkhat in nangambe changting akaben inchu inkhat ting kha’m madopek roh.

Khava jâra nachang tinga nahmit in setna amantlo che achang inchu, khersōt inna hlon roh, ajârchu nataksa pumpui hmeikhura hlon manhlut kanek a, nataksa bâk inkhat inhmang kha nang sik a kaṭha jôk. Nakut changting in setna amantlo che achang inchu, tansōt inna hlon roh! Ajârchu nataksa pumpui hmeikhura ahlut sik kanek a, nabân inkhat inhmang kha nang sik kaṭha jôk.