Popular Bible Verses from MATHAI 23

Share

Norokni bere kotor hwnjaknai bo norokni seleng ma khatinai.

Kotor wngna sadinai borok bo kotoi snamjaknai, phiya kotoi wngna sadinai borok bo kotor snamjaknai.”

“Kerong phrwngnairok bai Pharisairok, phatrarok! Norok bwswk se hamya sitra no! Norok Kaitorno banta, khundrupui, jirarokno kaichi-o kaisa rwui tongo, tamo khe ‘Buino sói khe nai di, buino maya chá di, kaham khe tong di,’ hwnwi Kerongo samani omo tẃi nangmani kókrokno le samung nangjak ya. Abo tẃirokno khlaiwi’-no omo hai khe tongthai klai-o.

“Kerong phrwngnairok bai Pharisairok, phatrarok! Norok bwswk se hamya sitra no! Norok lota mairangno saka saka simi hu-o, bisingo khe norok segwi tei khámaiwi manmani manwirok máng se kupulung.

“O Jerusalem, Jerusalem, diyarirokno nwng butharo, nini thani Kaitor bai rohorjaknairokno holong khitaro! Tokma bini bwkrang tola toksarokno koroui tonma hai ang bwswk se nini borokno yak kwbagwi tonna nai kha; nwng abo hai khlai rw li ya.

Omo hai’-no norokbo saka saka kaham, bisingo khe norok sói sumsok gwnang phatra se.”