Popular Bible Verses from MATHAI 22

Share

Jisu hai hwnwi sa kha, “Nwng nini Kaitor Subraino khá bai khúk bai uansukma bai hamjak súk di.’ Omono nang kukma kók kotor tei puilani dagimung. Tei tháisa nangmani kók khe ahai, ‘Nwng sakno hamjak tẃi’-no buinobo hamjak di.’

Musini Kerong tei diyarirok phrwngmarok bebak’-no o kók tháinwio’-no sungchajak.”

Jisu hai hwnwi saui kók mwthak kha, “Kobokjaknai le kwbángma, tamo khe chongjaknai se kisa.”

Thangwi bachanairok bórok chuknohani suarirok hai, chwla bwrwi kebo káijak lai ya.

Teks rwjaknai rangno ano phunuk phai di.” Hakhe bórok bini thani rang tubu kha. “Omo saboni bumukhang? O bumung saboni?” hwnwi bo sẃng kha. “Bugra kotorni,” hwnwi bórok sa kha. Hakhe Jisu bórokno hai hwnwi sa kha, “Hakhe ba bugra kotorni manthaino bono rw di, Kaitorni manthaino Kaitorno rw di.”