Popular Bible Verses from MATHAI 24

Share

Hamya báng rwrwkma bai baksa baksani hamjak laima kwma rwrwk anw. Tamo khe soiwi man suknai borok bo se mwthangjaknai.

Hakhe Kaitorni hani o Kothoma Kaham swngchar gwnangwi bebak bororokni thani khna rwna bagwi pírjak anw; aphuru khe o mol pái anw.”

Norok gana-o chobani khorang khna anw, hakchalo choba nang lai kha hwnwi kók khna anw; hai phano ta uana di. Abo hairok ma wngnai’-no, aphurubo o mol pái ya kho.

Dopha bai dopha choba wng lai anw, ha bai ha nang lai anw. Kwrẃngsa kwrẃngsa-o asaribo wng anw, banglabo phai anw. Omorok bebak’-no bwsa bána phuru bohok sa grama hai se.

Ha bai nokha se kwma anw ba, ani kókrok kwma glak.”

tamni hwn khe baksa baksa ani mungwi ‘Angno Masia!’ hwnwi sa phai anw, hakhe baksa baksano lama koró rw anw.

“Aphuru norok romjak anw, sátokjakna bagwi yapharwi rohorjak anw, norok butharjak anw. Bebak borok’-no ani bagwi norokno naisler anw. Aphuru baksa baksa uslu anw; bo’-bo bono rom rw anw, bo’-bo bono naisler lai anw. Aphuru diyari phatrarok kwbángma bachaui baksa baksano lama koró rw anw.

Jisu hai hwnwi sa kha, “Hus khe tong di, kebo bai lama ta koró rwjak di

Hakhe aboni bagwino norok tiyar khe ma tongthai, tamni hwn khe phai glak hwnwi tong phuru’-no Borokni Sajla phai anw.”

Hakhe hus khe tong di, tamni hwn khe norokni Subrai bu phuru phai no abo norok saui man ya.

“A sal bai a jora bu phuru phai no abo kebo saui man ya; chuknohani suarirok buya, Sajla buya; Apha simi se abo saui mano.

Masia phatrarok bai diyari phatrarok bacha anw. Bórok soidom bai uanamasingcha samungrok phunuk anw, wng khe ba Kaitorni chongjak bororokno suda lama koró rw anw.

Borokni Sajla phai phuru khe Noani phuru wngma hai se wng anw. Twi tor ya sini wng laima hai, Noa rungtoro kasa ya sini bororok chá lai-o nung lai-o; hai phano twi torwi bórokno bebakno kochok rw ya sini tamo wngna naiwi tong kha abono bórok saui man ya. Borokni Sajla phai phurubo abo hai’-no wngnai.