Popular Bible Verses from RIPHUTNA 28

Share

Ringai roh, nang ompui mai ki ta, ni fena kipah nang donsui mai ki ta, hi ramah hin nang hong ṭhui ikhîr nôk ki ti. Ki ṭonginkung hih thluan ken tlung mâkah chu nang ithla tlak no ning e,” a ti a.

PUMAPA kha a kôlah â ding ṭian a, “Keima hih PUMAPA, ni pu Abrahama Pathian, Isaka Pathian chu ki nit; ni zâlna rinêng hih nangmah neh ner chihei kî pêk rang a nit.

Jakoba khah a hang ṭhangin chu, “Hi munah hin PUMAPA chu ai om ngêt a nit hi; ki lei iriat ino a nit,” a ti a.

Khanungchu, Jakoba khan ṭong arkhâm a, “Pathianin a ne ompui a, hi ki khual inzinna a hin a ne donsui a, fâknêk neh silbom a ne pêk mai a, ki pa inah thlangam takka ki kîr nôkin chu PUMAPA chu ki Pathian nîng a ta. Hi ki lungphun khom hih Pathian in nîng a ti; khante, ni thil ne pêk murdiah khan sômka khatkah nang pe ngêt ngêt ki ti,” a ti a.

Ner chihei khah rinênga ṭiai zâkah nîng an ta, sak neh thlang, sim neh mârah hong indar an ti; nangmah neh ner chiheiah khan rammuala nam tin ham la ṭhâng a ti.

Kha mun rimingah khan “Bethel” a be a; a tîrah khan chu kha muna khua om riming khah Luz a nit.