Popular Bible Verses from RIPHUTNA 27

Share

Pathianin rivân rido nang pe sela, Rinêng ṭhatna chu nang pe riseh. Bu neh uain itam takkah hong nei roh. Nam dang danghei khan ni sin tho sela, Mi tin tinin nang ikhûn riseh. Ni suapuihei chungah ilalin om inla; Ni nu naihein nang ikhûn riseh. Vâni nang isâm kangân chu vâni sâmin om sela, Ṭhat nang ivurtu kangân chu ṭhat ivurin om riseh,” a ti a.

Esauva khan, “Arming Jakoba an isak hih chu a îdik a nit. Hih voinikah a ne lêmna a nit tâk; ki nai lutîr nitna khah a ne lâk pêk tâk a; atûnah hin ṭhatvurna ki dong rang khom a ne ilâk pêk nôk tâk a nit hi,” a ti a. Amah ngirin, “Ṭhatvurna ichînteka lua ne zua pêk khâi mak chêm a?” a ti a.

Khanungchu, a pa Isaka khan a sâm a, a ziangah, “Ringai roh, ni omna chu ram ṭhatna ata ila takah nîng a ta, Chungtiang ata rivân ridohei dong no tin e. Ni khandai imangin ring ni ta, Ni unai sin nî tho rang a nit. Nikhomsela, ner hel suak tikin chu, A ringkol khah ni ring ata ikhiak tâng ni ti,” a ti a.

Esauva khan a pa ziangah, “Epa, ṭhatvurna khatkah bang im nî nei? O, Epa, kei khom ṭhat ne vur sa ngêt roh,” itin a ngên ngit a. Esauva chu iring takkan a ṭap a.