Popular Bible Verses from Kalatias 3

Share

Vajtswv txoj kevcai twb ua rau peb raug foom tsis zoo lawm, tiamsis Yexus Khetos los hloov peb chaw, nws thiaj raug foom tsis zoo; rau qhov Vajtswv txojlus hais tias, “Tus uas raug dai rau saum ntoo, tus ntawd twb raug foom tsis zoo lawm.”

Yog li ntawd, nej txhua tus uas nrog Yexus Khetos koom ib txojsia, tsis hais cov Yudais lossis lwm haivneeg, cov uas ua qhev lossis cov uas tsis ua qhev, tsis hais pojniam lossis txivneej, nej txhua tus puavleej koom ib lub siab rau ntawm Yexus Khetos.

Nej txhua tus uas ntseeg Yexus Khetos, nej puavleej yog Anplahas cov xeebntxwv, nej yeej yuav tau tej uas Vajtswv coglus tseg lawm hais tias, nws yuav muab pub rau nej.

Thaum luag muab Yexus Khetos dai rau saum tus ntoo khaublig lawm, Vajtswv thiaj foom koob hmoov rau lwm haivneeg uas los ntseeg Yexus Khetos raws li Vajtswv tau coglus tseg rau Anplahas, thiab Vajtswv pub Vaj Ntsujplig rau peb txhua tus uas ntseeg Yexus Khetos raws li Vajtswv tau coglus tseg lawm.

Yog li ntawd, peb paub tseeb hais tias tus uas xyaum coj raws li Vajtswv txoj kevcai, tsis yog tus uas Vajtswv suav hais tias ncaj ncees, rau qhov Vajtswv txojlus hais tias, “Tsuas yog tus ntseeg, Vajtswv thiaj suav hais tias yog tus uas ncaj ncees thiab tau txojsia.”