Popular Bible Verses from Kalatias 2

Share

Yog li ntawd, kuv twb nrog Yexus Khetos tuag saum tus ntoo khaublig lawm, txojsia uas nimno kuv muaj tsis yog kuv txoj, tiamsis yog Yexus Khetos txoj. Qhov uas nimno kuv muaj txojsia nyob twb yog vim kuv ntseeg Vajtswv tus Tub, tus uas hlub kuv thiab muab nws txojsia los txhiv kuv.

Vajtswv txoj koob hmoov kuv yeej tsis vwjtxheej, yog Vajtswv suav hais tias tus uas xyaum ua raws li Vajtswv txoj kevcai yog tus ncaj ncees lawm, ces qhov uas Yexus Khetos tuag yeej tsis muaj nqis dabtsi li!

Peb yog neeg Yudais, peb “Tsis yog lwm Haivneeg uas muaj txim.” Tiamsis peb yeej paub hais tias tus uas Vajtswv suav hais tias ncaj ncees, tsis yog tus uas xyaum coj raws li Vajtswv txoj kevcai, tiamsis yog tus uas ntseeg Yexus Khetos. Txawm yog peb los kuj ib yam nkaus li ntawd, qhov uas Vajtswv coj peb los nrog Vajtswv sib raug zoo twb yog vim peb ntseeg Yexus Khetos, tsis yog vim peb xyaum coj raws li Vajtswv txoj kevcai. Rau qhov tus uas Vajtswv suav hais tias ncaj ncees yeej tsis yog tus uas xyaum coj raws li Vajtswv txoj kevcai.