Popular Bible Verses from Efexus 5

Share

Vim nej yog Vajtswv cov menyuam uas Vajtswv hlub, nej yuav tsum xyaum ua nej lub neej raws li Vajtswv tus yam ntxwv. Nej yuav tsum hlub lwm tus ib yam li Yexus Khetos hlub peb, thiab nws muab nws txojsia los theej peb lub txhoj. Qhov ntawd zoo ib yam li tej tshuaj tsw qab uas luag muab fij rau Vajtswv thiab yog yam uas Vajtswv pom zoo yuav.

Yog li ntawd nej yuav tsum ceevfaj thiab ua zoo. Tsis txhob ua li cov neeg ruam, tiamsis nej yuav tsum ua li cov neeg uas muaj tswvyim. Nej yuav tsum siv txhua lub sijhawm kom muaj nqis, rau qhov niaj hnub no tej neeg ua phem kawg li.

Nej tsis txhob haus cawv txiv hmab kom qaug, rau qhov tej ntawd yuav ua rau nej ua neeg tsis tsimtxiaj. Nej yuav tsum cia Vaj Ntsujplig kav nej lub siab. Nej ib tug yuav tsum qhia ib tug raws li tej lus uas nyob hauv Daviv phau nkauj, tej zaj nkauj qhuas Vajtswv thiab tej zaj nkauj uas cov ntseeg hu ua Vajtswv tsaug. Thaum nej hu tej zaj nkauj ntawd, nej yuav tsum hu ntawm lub siab xyivfab hlo. Nej cov uas ntseeg Yexus Khetos, nej yuav tsum niaj hnub ua Vajtswv uas yog Leej Txiv tsaug rau txhua yam los ntawm Yexus Khetos lub npe.

Nej tsis txhob ua li cov neeg ruam, tiamsis nej yuav tsum ua tib zoo saib, saib Vajtswv xav kom nej ua yam twg.

Nej cov uas yog txiv, nej yuav tsum hlub nej tej pojniam ib yam li Yexus Khetos hlub cov ntseeg thiab nws muab nws lub cev los txhiv cov ntseeg.

Yav tas los nej yeej nyob hauv qhov tsaus ntuj, tiamsis nimno nej cov uas ntseeg Vajtswv, nej twb los nyob hauv qhov pom kev lawm. Yog li ntawd, nej yuav tsum ua nej lub neej kom phim qhov uas nej yog cov uas nyob hauv qhov pom kev.

Vim nej yog cov uas hwm Yexus Khetos, nej ib tug yuav tsum mloog ib tug lus.

Nej cov uas yog pojniam, nej yuav tsum mloog nej tej txiv lus ib yam li nej mloog tus Tswv lus.

Tiamsis nqe no yog hais txog nej thiab. Txhua tus txiv, nyias yuav tsum hlub nyias tus pojniam ib yam li nyias hlub nyias lub cev. Thiab txhua tus pojniam nyias yuav tsum hwm nyias tus txiv.

Raws li muaj lus sau cia rau hauv Vajtswv txojlus hais tias, “Twb yog vim li no tus tub thiaj tso nws niam nws txiv tseg, thiab mus nrog nws tus pojniam nyob, thiab nkawd ob leeg yuav koom ua ib lub cev.”

Cov neeg uas nyob hauv qhov tsaus ntuj nyiam ua tej kev phem kev qias, nej tsis txhob mus nrog lawv ua, rau qhov tej ntawd yeej tsis muaj nqis. Nej yuav tsum muab tej ntawd los nthuav rau qhov pom kev.