Popular Bible Verses from Efexus 6

Share

Rau qhov tsis yog peb tawmtsam neeg, tiamsis yog peb tawmtsam tej dab uas nyob saum nruab ntug, tsis hais cov thawj, tej uas muaj hwjchim loj thiab tej uas muaj hwjchim uas kav tiam tsaus ntuj.

Ib puas tsav yam uas nej ua no, nej yuav tsum thov Vajtswv pab. Nej yuav tsum thov Vajtswv txhua lub sijhawm raws li Vajtswv tus Ntsujplig coj nej. Vim li ntawd nej yuav tsum ceevfaj thiab ua siab ntev thov Vajtswv tsis txhob nkees. Thiab niaj hnub thov Vajtswv pab cov ntseeg sawvdaws.

Nej yuav tsum muab tej cuabyeej uas Vajtswv pub rau nej lawm los hnav. Yog nej ua li ntawd thaum dab Ntxwgnyoog tuaj ntxias nej, nej thiaj yuav kovyeej.

Yog li ntawd, nimno nej yuav tsum muab Vajtswv tej cuabyeej los hnav. Yog nej ua li ntawd thaum dab Ntxwgnyoog los tawmtsam nej, nej thiaj kovyeej. Thiab thaum tej kev tawmtsam ntawd dhau lawm, nej thiaj tseem nyob ruaj nrees.

Nej yuav tsum niaj hnub tuav txojkev ntseeg thaiv nej ib yam li nej tuav daim hlau thaiv hniav ntaj. Yog nej ua li ntawd, nej yuav tua tau dab Ntxwgnyoog xibxub hluavtaws uas nws tua tuaj. Cia li muab txojkev dim txim uas Vajtswv pub rau nej lawm coj los ua kausmom hlau ntoo. Thiab muab Vajtswv Txojlus uas Vajtswv tus Ntsujplig pub rau nej coj los ua rab ntaj.

Yog li ntawd nej yuav tsum npaj tos. Cia li muab Txojlus tseeb los ua siv sia, muab kev ncaj ncees los ua daim hlau thaiv hauvsiab. Thiab nej yuav tsum muaj lub siab kub lug mus qhia txojmoo zoo uas hais txog txojkev kaj siab los ua khau rau.

Thaum kawg no kuv qhia rau nej hais tias nej yuav tsum nrog tus Tswv sib raug zoo, nej thiaj li yuav muaj zog thiab tau nws lub hwjchim uas loj kawg nkaus.

Vajtswv txoj kevcai qhia hais tias, “Nej yuav tsum hwm nej niam nej txiv.” Nqe no yog thawj nqes uas Vajtswv coglus hais tias, “Yog nej ua li ntawd, nej yuav noj qab nyob zoo thiab muaj txojsia nyob ntev hauv lub ntiajteb no.”

Cov menyuam, nej yuav tsum mloog nej niam nej txiv lus, thiaj raws li tus Tswv txoj kevcai.