Popular Bible Verses from Kaulauxais 1

Share

Vajtswv twb pab peb cov uas dab Ntxwgnyoog muab kaw rau hauv qhov tsaus ntuj dim lawm; thiab Vajtswv coj peb los nyob hauv qhov pom kev uas Vajtswv tus Tub kav. Tus Tub ntawd yog tus uas Vajtswv hlub

Tsis hais tej uas nyob saum nruab ntug thiab tej uas nyob hauv ntiajteb no, tej uas peb qhovmuag pom thiab tej uas peb qhovmuag tsis pom, cov timtswv ceebtsheej uas muaj hwjchim thiab tej nomtswv lossis cov vajntxwv thiab cov neeg uas muaj hwjchim kav ntiajteb, txhua yam ntawd puavleej yog Vajtswv hais kom Yexus tsim, thiab nws tsim tej ntawd rau nws.

Yexus Khetos yeej xub nyob dua ib puas tsav yam huv tibsi, thiab nws tu kom nyias nyob muaj nyias chaw.

Yexus Khetos tus uas peb qhovmuag pom yeej zoo ib yam li Vajtswv tus uas peb qhovmuag tsis pom. Yexus Khetos yog Vajtswv tus Tub hlob. Nws muaj hwjchim loj dua ib puas tsav yam uas Vajtswv tsim huv tibsi.

Vim li ntawd txij hnub uas peb tau hnov nej moo, peb thiaj niaj hnub thov Vajtswv pab nej tsis tseg li. Peb thov Vajtswv pab kom nej muaj tswvyim thiab totaub tej uas Vaj Ntsujplig tus Dawbhuv qhia, nej thiaj paub tej uas Vajtswv lub siab nyiam. Yog nej paub lawm, nej yuav ua tau neeg zoo raws li Vajtswv lub siab nyiam thiab niaj hnub ua tej uas haum Vajtswv siab. Nej lub neej yuav tawg paj txi txiv thiab nej yuav paub Vajtswv heev zuj zus.