Popular Bible Verses from Filipis 4

Share

Tsis txhob nyuajsiab rau ib yam dabtsi li, tiamsis thaum nej thov Vajtswv, nej ciali qhia txhua yam uas nej xav yuav rau Nws, thiab ncontsoov thov los ntawm lub siab uas paub ua Nws tsaug.

Vajtswv txoj kev nyabxeeb, uas tseem tob tshaj qhov neeg muaj cuabkav totaub tau, yuav tsomkwm nej lub siab thiab nej tej kev xav kom ruaj-khov nyob rau hauv Yexus Khetos.

Thaum xaus no, cov kwvtij sawvdaws, yam twg uas tseeb, yam twg uas tsimnyog hwm, yam twg uas ncajncees, yam twg uas dawbhuv, yam twg uas ntxim hlub, thiab yam twg uas tsimnyog qhuas, nej ciali khaws tej ntawd cia rau hauv nej txoj kev xav.

Kuv muaj cuabkav ua tau txhua yam los ntawm Khetos tus uas txhawb kuv lub zog.

Ciali zoosiab hauv tus Tswv txhua lub sijhawm. Kuv rov hais dua ib zaug ntxiv tias: Ciali zoosiab!

Kuv tus Vajtswv yuav pub txhua yam uas nej xav tau rau nej los ntawm Nws txoj kev npluanuj uas muaj nyob rau hauv Yexus Khetos.

Tej uas nej tau kawm lossis tau txais lossis tau hnov ntawm kuv los lawm, ciali xyaum coj ua rawsli tej ntawd. Vajtswv tus uas ua rau peb muaj kev kajsiab, thiaj yuav nrognraim nej nyob.

Cia kom txhua tus pom nej lub siabmos siabmuag. Tus Tswv twb yuav los sai-sai no.

Kuv paub tias thaum muaj kev tuncua zoo licas thiab thaum muaj nplua-mias ho zoo licas. Kuv twb kawm paub txog txoj kev txaussiab no lawm hais tias txawm kuv nyob qhovtwg thiab lub sijhawm twg, txawm yuav tshaib yuav tsau, txawm yuav muaj ntau muaj tsawg los kuv yeej tsis txhawj.

Kuv hais li no tsis yog kuv yws hais tias kuv muaj kev tuncua, rauqhov txawm kuv muaj licas los kuv yeej txaussiab rau tej uas kuv muaj ntawd.