Popular Bible Verses from Luka 8

Share

Alīyo ījo jilī mu sī yawiza, a bene h'abo bakagwigwaga ū mhayo mung'holò yawiza na ya logohano, bagūdima; bayūtwaja matwajo mu wiyūmīlīja.”

Hama ījo jigwīlile mu sī ya ming'hwa, a bene balī abo bakagwigwaga ū mhayo; gwike ū mu shimīzīle yabo bakashitelejiagwa na myatīla ya mu sī, hamò na būsabi wamo na kūdoosela būpanga, nose bakalemeelagwa nūūlū kūtwaja matwajo mashikanu.

Lelo ījo jilī mu sī ya mawe mawe, a bene balī abo bakagwigwaga ū mhayo bagwanukūla mu būyegi, gwike gwabiza gūtī na miji. Balī ba kūzunya kwa kakanza dūhū, alīyo ū mu makanza ga kūgeng'wa bakashokaga kū numa.

Hūna ūbawīla, “A bing'we ni kūlī halī ū kūzunya kwing'we?” Bakogoha no, būyūkumya dūhū ū kūnū baliwīla gīkī, “Ū munhū ng'wenūyū ī gete ni nani o kūyūhama na miyaga, būyaga na minzī pye shayūng'wigwa!”

Alīyo ījo jilī mu nzīla, balī abo bakagwigwaga ū mhayo; gwike ū Ng'wanishi wiza wagūpula ū mhayo wagwīnja ū mung'holò jabo, batizūzunya bakapījiwa.

Nguno gūtīho mhayo gwibisile nūūlū gūmò, ūyo gūtalafunījiwa ha ng'wape! Na hangī ītīho mbisīla īyo ītalitenda īkamanwa.

Ū nkīma ng'wenūyo aho wabona gīkī atūdūla ū kwibisa, wiza a halī Yesu alīdetema, ūshika ūntugīja mazwi ūnsomboolela hape hape kū būtongi wa banhū bose, ī nguno īyo īkang'wenheleja kūnkuumya, nū mumo akapīlīla haho na haho. Nang'hwe ū Yesu ūng'wīla, “Nshīke wane, ū kūzunya kwako kwakūpījaga; jaga mu mhola.”

Būmisha balīhaya gīkī, “Seeba Seeba, twashila!” Aho wamisha, ūgūhama ū nyaga na a mahuuli ga minzī, shūlembeela, hūbiza sele sele.