Popular Bible Verses from Luka 7

Share

Hūna lūūlū nalīkūwīla gīkī, walekejiagwa ī shibi shakwe nūūlū īkī shilī shingī, h'ī nguno yene aloolecha būtogwa būtaale, alīyo ūyo alekejiwe shido, nū būtogwa bokwe būdo.” Hūna ūng'wīla ū nkīma ng'wenūyo gīkī, “Walekejiagwa ī shibi shako!”

Alīyo ū Yesu ūng'wīla ū nkīma ng'wenūyo gīkī, “Jaga mu mhola, ū kūzunya kwako kwakūpījaga.”

Ohayūshika wīmīīla ha numa ya ng'wa Yesu, hihī na mhambala jakwe, kūnū akūlīlaga. Ūjilobya shisoji ī mhambala ja ng'wa Yesu, hūna wandya kūjipyagūla na nzwīlī jakwe; wanoga ūyūjibbipa, hama ūjibila maguta ayo walī nago.

H'ī nguno yene naalī nabona gīkī ū nene ng'wenekīlī natigeleelilwe nūūlū ū kwiza ū kūlī bebe; ū bebe ng'wene hayaga mhayo dūhū akūpīla ū nsese wane. Nguno nane nalī munhū ūyo atūūlilwe ha sīlīlī ya būsugi; nalī na bashilikale a ha sīlīlī yane. Nadūgije kūng'wīla ūyū gīkī, ‘Jaga;’ ng'hana akūja. Nūūlū ūngī gīkī, ‘Nzūgū;’ ng'hana akwiza. Nūūlū nsese wane nashikile kūng'wīla, ‘ītaga gīkī,’ na ng'hana akwīta!” Ū Yesu aho wigwa gīko akankumya ū munhū ng'wenūyo, ūlīgalūkīla ī libita lya banhū īlo lyanondeelaga; ūbawīla gīkī, “Nalīmuwīla nataalī kūbona na hado yaya kūzunya kwa mbika īyī hose hose ū mu Isiraeli.”

Ū ng'wikanza lyenīlo ū Yesu wapījaga banhū bingī kūfuma mu būsaatu na būlemehazu; bangī wabīngījaga masamva, na babboku bingī wabinhaga kūbona. Hūna ūbashokeja ūbawīla, “Jagi mukang'wīle ū Yohana īyo mulīyigwa na kwībona: A babboku balībona, na a balema balīshimīza, a ba mbiji bakwelaga, a bagulu bakwigwaga; pye na a bafu balījūūka, na a bahabī balīlomeelwa Ng'hūlū Jawiza.