Popular Bible Verses from Mattá 6

Share

Cha har chizzá pésar, Hodáay bádsháhi o áiay rástén ráhay shóházá bebét, é sajjahén wat shomárá dayaga bant.

Pa bándátigén róchá paréshán o pegrig mabét, chéá ke bándát, wati pegrá wata kant. Maróchigén janjál, pa maróchigá bass ant.

Paméshká shomárá gwashán ke pa wati zendá paréshán o deltaparkah mabét ke ‘ché bwarén o ché benóshén?’, na pa wati jesm o jáná ke ‘ché bepóshén?’. Zend cha waráká o jesm o ján cha pósháká géshtera nakarzit?

Bale harwahd dwá kanay, wati lógá beraw, lógay dapá beband o cha wati ásmáni Petá, ke cha chammán chér o andém ent, dwá belóth, gorhá tai Pet, ke chérénána gendit, tai mozzá dant.

Shomá é dhawlá dwá belóthét: ‘Oo may Pet, ke borzén ásmáná ay! Tai nám sharapdár bát. Tai bádsháhi byáyát. Tai wáhag o erádah zeminay sará ham hamá dhawlá sarjam bát ke ásmáná sarjama bit.

May maróchigén rezk o rózigá maróchi márá beday.

May gonáh o radián bebaksh, anchosh ke má wati sajjahén daynkár bakshetagant.

Márá ázmáesh o chakkásá dawr maday o cha Shaytáná berakkén.’

Chéá ke agan shomá mardománi gonáh o mayárán bebakshét, gorhá shomay ásmáni Pet shomay gonáh o mayárán ham bakshit

Ásmánay báli morgán bechárét, na keshant o na ronant o na ambára kanant, bale angat shomay ásmáni Pet áyán warák o róziga dant. Shomay arzesh o kimmat cha áyán géshter naent?

É jaháná pa wat mál o maddhi mocch makanét, ke edá warók o ramézesha wárt o zanga gerant o dozzesha polant o barant. Pa wat ásmáná ganj o hazánag ambár bekanét ke ódá na warók o ramézesha wárt, na zanga gerant o na dozzesha polant o barant. Tai del hamá jáhá rawt ke mál hamódá ent.

Hechkas pa do wájahá golámi korta nakant, yá gón yakkéá dozhmenia kant o domigi dósta bit, yá gón awaligá wapádára bit o cha á degará badia kayt. Shomá yakwahd o yakjáh Hodá o zarray golámiá korta nakanét.

Oo kambáwarán! Wahdé Hodá gyábánay káhán é dhawlá zébá o brahdára kant ke maróchi hastant o bándá taruná sóchaga bant, gorhá shomárá che paymá sharterén pósháka nadant?

Wahdé hayráté cha rástén dastá dayay, chappén dast sahig mabit, tánke tai dátagén hayrát sarpósh o chérandari bebit. Gorhá tai ásmáni Pet, ke chérénána gendit, tai mozzá dant.

Hozzhár bét! Wati nékén kárán pa mardománi pésh dáragá makanét, chéá ke é dhawlá shomárá cha ásmáni Petay némagá hecch mozzé narasit.

Wahdé róchaga bét, doru o dopóstén mardománi dhawlá wati démá tábán o gamnák makanét. Á wati ruá gimmorénant o munjá kanant tán mardom bezánant róchag ant. Shomárá rásténa gwashán, mozzé ke áyán rasagi at, rasetesh. Bale wahdé róchaga bay, gorhá wati dém o ruá beshód o sará charp kan, tánke mardom mazánant taw róchag ay, tahná tai ásmáni Pet ke chér o andém ent, hamá bezánt. Á wahdi tai ásmáni Pet ke chérandaria gendit tai mozzá dant.