Popular Bible Verses from Mattá 7

Share

Belóthét, shomárá dayaga bit. Shóház bekanét, dara géjét. Darwázagá bethokkét, pacha bit.

Chéá ke harkas belóthit, áiá rasit. Harkas shóház bekant, dara géjit. Harkas darwázagá bethokkit, pa áiá pacha bit.

Paméshká, harkas ke mani é habarána eshkont o áyáni sará kára kant, hamá zántkár o hóshmandén mardomay paymá ent ke wati lógi taláray sará bast.

Paméshká, har kárá gón degarán hamá dhawlá néki bekanét ke lóthét á dega ham gón shomá bekanant. Sharyat o nabiáni gapp o habar hamesh ent.

Bale tank ent á darwázag o grán ent á ráh ke zenday némagá bárt o é ráhay rawók ham kamm ant.

Cha tankén darwázagá bepoterét. Chéá ke práhén darwázag o práhén ráh, gári o bégwáhiay némagá bárt o bázéné hamá ráhá zurit.

Shomá ke radkár ét, angat wati chokkán sharrén chizzáni dayagá zánét. Gorhá shomay ásmáni Pet chinkadar shartera zánt ke wati lóthókén chokkán wasshén chizz bedant.

Degarán ér majanét o iráz magerét, tánke shomá ér janag mabét. Anchosh ke shomá degarán éra janét, hamé paymá shomá ér janaga bét o gón har kayl o paymánahéá ke bedayét, gón hamá kaylá shomárá dayaga bit.

Bale kasé ke mani habarán gósha dárit o áyáni sará kára nakant, hamá hórh o kamzántén mardomay dhawlá ent ke wati lógi rékáni sará bast.

Chéá wati brátay chammay pilláshká genday, bale wati chammay bondhá nagenday? Tará ke bondhé chammá ent, chón wati brátá gwashta kanay: ‘Bell ke tai chammay pilláshká dara kanán’?

Cha drógén paygambarán hozzhár bebét. Á, méshay póstá gwará kanant o shomay kerrá káyant bale cha bon o béhá derrókén gork ant. Shomá cha áyáni kerdá áyán pajjáha kárét. Cha dhangarán angur o cha dhóloká enjir chenaga bit?

Sharrén drachk, sharrén bar o nibaga kárit o sellén drachk sellén bar o nibaga kárit.

Sharrén drachk, sellén bar áworta nakant o sellén drachk sharrén bar dáta nakant.

Drachké ke sharrén bara nayárit, goddhag o sóchaga bit.