Popular Bible Verses from Mattá 5

Share

Hechkas rókén cherágá tagáréay chérá éra nakant, cherágdánay sará éria kant tán áiay rozhnái pa lógay sajjahén mardomán berasit. Hamé dhawlá shomay rozhn, mardománi démá shahm bedant tán shomay nékén kárán begendant o shomay ásmáni Petá satá bedayant o besárháyant.

Shomá jahánay nur o rozhn ét, shahré ke kóhéay sará ent, chér o andém buta nakant.

Bahtáwar ant hamá ke delesh pák o sáp ent, chéá ke á Hodáyá gendant.

Bahtáwar ant hamá ke hakk o ensápay shodig o tonnig ant, chéá ke á séra bant.

Bale man shomárá gwashán, gón wati dozhmená mehr bekanét o pa hamáyán ke shomárá ázára dayant nékén dwá belóthét

“Bahtáwar ant hamá ke áyáni ruh wár o bazzag ent, chéá ke ásmáni bádsháhi hamáyánig ent.

Bahtáwar ant hamá ke sohl o émenia kárant, chéá ke á Hodáay chokk náménaga bant.

Bahtáwar ant hamá ke gamig o porsig ant, chéá ke áyán tasallá o delbaddhia rasit.

Bahtáwar ant hamá ke pa Hodáay ráhay geragá bohtám janag o ázár dayaga bant, chéá ke ásmáni bádsháhi hamáyánig ent.

Bahtáwar ant hamá ke pa degarán rahma kanant, chéá ke áyáni sará ham rahm kanaga bit.

Bahtáwar ét shomá ke pa manigi mardom shomárá dozhmána dayant o ázára rasénant, shomay poshtá dróga bandant o bada gwashant. Gal o washdel bebét o shádehi bekanét, chéá ke ásmáná shomay mozz sakk báz ent. Pésarigén nabiáni sará ham é dhawlén ázáresh raséntag.

Bahtáwar ant hamá ke narmdel o mehrabán ant, chéá ke zeminay mirásdár hamá bant.

Shomá jahánay wád ét, bale agan wáday tám berawt, gorhá chón padá wádók buta kant? Abéd cha dur réchag o mardománi pádmáliá nun dega hecch kárá nayayt.

Paméshká shomá báyad tamán o béayb bebét, anchosh ke shomay ásmáni Pet wati jáhá tamán o béayb ent.

Paméshká ódá ke ‘haw’ gwashagi ent, begwashét ‘haw’ o ódá ke ‘enna’ gwashagi ent, begwashét ‘enna’. Cha eshiá géshter Shaytánay kár ent.

Shomá eshkotag ke gwashag butag: ‘pa chammá chamm o pa dantáná dantán’. Bale man shomárá gwashán, radkárén mardománi káráni démá maóshtét, agan kaséá tai rástén gobbá shahmáté jat, domiá ham áiay némagá betarrén.

Paméshká agan tai rástén chamm tará dém pa gonáhá bebárt, áiá kassh o dawr beday, chéá ke cha sarjamén jánay dózahá kapagá pa taw sharter hamesh ent ke tai jesmay yakk band o bógé cha taw jetá bebit. Hamé dhawlá, agan tai rástén dast tará dém pa gonáhá bebárt, gorhá áiá borr o dawr beday, chéá ke cha sarjamén jánay dózahá rawagá pa taw sharter esh ent ke tai jesmay yakk band o bógé cha taw jetá bebit.