Popular Bible Verses from مَتّا 7

Share

بلۆٹێت، شمارا دئیگَ بیت. شۆهاز بکنێت، شمارا رسیت. دروازگا بٹُکّێت، په شما پَچ کنگَ بیت.

چێا که هرکَس بلۆٹیت، آییا دئیَگَ بیت. هرکَس شۆهاز بکنت، آییا رسیت. هرکَس دروازگا بٹُکّیت، په آییا پَچ کنگَ بیت.

پمێشکا، هرکَس که منی اے هبرانَ اِشکنت و اِشانی سرا اَملَ کنت، هما داناێن مردمئے پئیما اِنت که وتی لۆگی مُهرێن کۆهێئے سرا بست.

پمێشکا، هروَهدا گۆن دگران هما ڈئولا بکنێت که شما لۆٹێت که آ گۆن شما بکننت. شَریَت و نبیانی اَسلیگێن هبر همِش اِنت.

بله تَنک اِنت آ دروازگ و تَنک اِنت آ راه که زِندئے نێمگا بارت و کمُّک مردم اے راها دَرَ گێجیت.

چه تنکێن دروازگا بگْوَزێت، چێا که پْراهێن دروازگ و پْراهێن راه تباهیئے نێمگا بارت و بازێنے هما راها رئوت.

نون اگن شما که رَدکار اێت، اَنگت هم وتی چُکّان شَرّێن چیزّانی دئیگا زانێت، گڑا شمئے آسمانی پت همایان انگت گێشتر شَرّێن چیزَّ دنت که چه آییا لۆٹنت.

ائیب‌گیری مکنێت و کَسا اێر مجنێت، تانکه شما هم اێر جنَگ مبێت. هما هسابا که شما دگران اێرَ جنێت، همے پئیما شما هم اێر جنَگَ بێت و گۆن هر کئیل و پئیمانهێا که شما دئیێت، گۆن هما کئیلا شمارا دئیگَ بیت.

بله هرکس که منی اے هبران اِشکنت و اِشانی سرا اَملَ نکنت، هما نادانێن مردمئے ڈئولا اِنت که وتی لۆگی رێکانی سرا بست.

چێا وتی براتئے چمّئے بوچُّکا گندئے، بله وتی چمّئے بُنڈا نگندئے؟ تئیی چَمّا که بُنڈے مان، چۆن وتی براتا گوَشتَ کنئے: ’بِلّ که تئیی چمّئے بوچُّکا درَ کنان‘؟

چه درۆگێن پئیگمبران هُژّار ببێت. آ، مێشی پۆست گوَرا کننت و شمئے کِرّا کاینت بله باتِنا دِرّۆک و وَرۆکێن گُرک اَنت. شما چه آیانی کار و کِردان آیان پَجّاهَ کارێت. چه ڈَنگران انگور و چه ڈۆلُکا اِنجیر چِنَگَ نبیت.

همے پئیما، هر شَرّێن درچک شَرّێن بَر و سَمرَ کاریت و هَرابێن درچک هرابێن بَر و سَمرَ کاریت.

شَرّێن درچک، هَرابێن بَر آورتَ نکنت و هَرابێن درچک شَرّێن بَر آورتَ نکنت.

هَر درچکے که شَرّێن بَرَ نئیاریت، گُڈَّگ و سۆچگَ بیت.