Popular Bible Verses from Zĩi 2

Share

Mɛni ma laa-la ǹyaa tɔnɔ, à kɛ̀ tíi fé zu, gɛ̀ ní zaâi.

Mɛni ma berei núu kpono nyíi mɔlêŋ fé zui zaâi lai, bere nɔ́ ƃe ǹaa-lai nyíi tíi fé zui zaâi la.

Lé ƃe núu a pɔ̂ri gulâi nyíŋi su, ŋánûa, à kɛ̀ núu à mò, nyɛɛi, laa-la káa ǹyêei, kɛ́lɛ, va m̀aa tîi kɛ̀. Ŋɔlaa-lai a pɔ̂ri m̀álôi?

Ílaâi la a gɛɛ Ɣâla káa nɔ́ tɔnɔ? Gɛ̀ ní mɛni lɛ́lɛɛ ká ti. Nyînaŋ nyɔ́mɔɔ-ŋai máŋ lâai la-díkɛ kpɛ̃liŋ.

Kɛ́lɛ, núu da a pâi m̀ôi, nyɛɛi, “Laa-la káa íyeêi, ǹyaŋ tíi kɛ̀ ƃo ńyêei.” Ílaa-lai lɛ́ mâ é kúla ítii pôlu. A kɛ̀ tí, ńyaŋ ŋa pâi ŋálaa-lai lɛ̂i yâ a ŋátii.

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi ɣàle.

Ka nâa gáa a gɛɛ Ɣâla a núu kɛ̀ a tɔ̃yâ-nuu tíi sarâi, kɛ́lɛ, laa-la tɔnɔ nɔ́ fêi.

Ya nâa gáa a gɛɛ laa-la da ŋɔtíi dí tíi kɛ̀ gîe ma, ǹyaŋ laa-la láa è fɛ̀ɛ a tíi.