Popular Bible Verses from Ibulu 11

Share

Laa-la káa a zãâi nyii-ŋai dímaa kili-kɛ-zu káa kúyêei dímaa tɔ̃yâ. Kú gɔ́lɔŋ a gɛɛ zãâi kúfa díkàai dímaa mɛni káa a tɔ̃yâ. Kpɛ́ni fêi, laa-la sarâi ƃe Ɣâla è ǹyée sèe la ŋwɔlɔ-wɔlɔ-ƃelai mu.

Núu fa pɔ̂ri Ɣâla líi lâai laa-la ŋ́ɛi pôlu. Kpɛ́ni fêi, ǹúui ŋ̀wɛ̂lii é lɛ́ɣɛ Ɣâla kɔlɛi, fɛ̂ɛ é láa la a gɛɛ Ɣâla káa ɣele ma a gɛɛ é diai líi laa da gɔ̀rii.

Laa-la sarâi ƃe kwa târe la zu a gɛɛ Ɣâla è ŋ̀éniɛi kpɛ̀tɛ a ŋ̀óo, ǹyaŋ zãâi kwa díkâai é díkpɛ̀tɛ a zãâi kúfa díkàai.

Laa-la sarâi Eberaɣɛ̃ɛ è Ɣâla wóo mɛni tãi Ɣâla è dòli la a gɛɛ é lí kwaa da ma ƃɛi è kɛ̀ pâi nàa sɔlɔ ƃôi ǹyêei, ǹyaŋ è kùla bɔ̀ taai é lí. Kɛ́lɛ, vé kɛ́ ní a ƃɛ́i kɔ́lɔŋɔɔ è kɛ̀ liî naai. Laa-la sarâi Eberaɣɛ̃ɛ è kɛ̀ gono-tee-lɔii ma yɛ̂ɛ núu a li ŋɔ̃yâ-lɔii ma. È kɛ̀ sua-kɔlɔ seɣe-pɛrɛ mu yɛ̂ɛ berei Aise da Zeeka máŋ dí gɛ̀ lai, da dîa-ni dí gono-tee tɔnɔi sɔlɔ ƃô.

Laa-la sarâi Nôa, nyíi mɛni-ŋai kɛ̀ pâi kɛ̂i Ɣâla è maa-mɛni tòo gíli ŋái, è ŋ̀óli tɔ̀ɔ mà é yá-ŋa-keleŋ kpɛtɛ a gɛɛ é ŋɔpɛ́rɛ-mu-ƃelai ƃálo. Ǹaa-la kɛ́ɛ ŋí sarâi Nôa è tɔ̂ŋ pù ŋ̀éniɛi ma, é kɛ́ a dɔ̃yâ-laai sɔlɔ-ƃo-nuu nyíi a pâ laa-la sarâi.

Laa-la sarâi Ɣâla è Inɔsi sìɣe é tɛ́ la Ɣâla-taa a gɛɛ vé saa, ǹyaŋ dífe gáa ni, kpɛ́ni fêi, Ɣâla è zìɣe. Ǹyaŋ Ɣâla é lɛ́ɛ pâi ziɣêi maa-mɛni è kɛ̀ a bɔ̃yɛɛ a gɛɛ è Ɣâla líi laa.

Laa-la sarâi ƃe Ebɛɛ è sâla kùla la Ɣâla ma, nyíi kɛ̀ a ǹɛ́lɛɛ é tɛ́ɛ Kîŋ ŋɔi mai. Zâlai ŋí sarâi Ɣâla è Ebɛɛ lɛ̀ a tɔ̃yâ-nuu. Ɣâla è nyíŋi maa-sere-faa kɛ̀ a ǹyée seɛɛ Ebɛɛ ŋɔsama-sɛŋ mu. Ebɛɛ è sàa, kɛ́lɛ, ŋɔlaa-lai sarâi gáa niî lônoi.

Laa-la sarâi Seera ǹyaa kpîŋ è wala-wala sɔlɔ ƃô a gɛɛ é koo siɣe, berei máŋ è kɛ̀ la a núu pɔlɔi, kpɛ́ni fêi, è Ɣâla kàa a núu sã́a nyíi góno tèe ǹyêei.

Kpɛ́ni fêi, è kɛ̀ daa-leei perêi kâai nyíi gɔ́ɔ-pîlanii è kɛ̀ mai, nyíi dɔɔ-nuu da gbɛtɛ-nuu káa a Ɣâlai.

Laa-la sarâi, tãi Mose è ƃɔ̀lɔ lai, vé faa ní m̀a a gɛɛ dí dóli a Ize kaloŋ ǹóŋ-nɛnii ǹóŋ. È fàa mu a gɛɛ da Ɣâla ŋɔnûai dí mɛni-soli káa é tɛ́ɛ la ǹîa kɛ́ɛ ma a sɔnyɔ̂ŋ lii-nɛ̃ɛ nyíi pâi tɛɛ̂i. È làa la a gɛɛ mɛni solii è gàa Kôrai mɛni mai, é kɛ̀ a tɔɔ-sɛŋ kɛ́tɛ é tɛ́ɛ la Ize tɔɔ-sãai dîa, kpɛ́ni fêi, ŋ̀ɛi è kɛ̀ vela-féi perêi. Laa-la sarâi è kùla Ize, vé yao ní gâloŋ ŋɔlii-ŋwanai mâ. Kpɛ́ni fêi, è kɛ̀ yɛ̂ɛ ǹyaa ƃe è ǹúui kàa nyíi núu fa gàai.

Laa-la sarâi, ƃe Ɣâla è Eberaɣɛ̃ɛ su kɔ̀ɔŋ la a gɛ́ɛ é Aise kùla a sâla. Ǹúui nyíi gono-teei sɔlɔ ƃôi, è gbîŋ kpɛ̀tɛ a gɛ́ɛ é gbîŋ loŋ kúla a sâla

Laa-la sarâi Leea nyíi gbîŋ tɛ̀ɛ sinâa pɔ sɛŋ-kao mɛni mai, da diai dífe Ɣâla wóo mɛni ni dífe saa ni gîe ma, kpɛ́ni fêi, diai dí dítɛ̀ɛ a gɛɛ dí li Zɛleko kâai, è ǹyée sèe dímu a wɛli-kɛ-maa pere.

Laa-la sarâi ǹûai dí Ǹyúo kpɔ̂lui tiyeŋ yɛ̂ɛ nàa à kɛ̀ lɔii kpala mà. Kɛ́lɛ, Ize-ƃelai, nyíi-ŋai kɔ̀ a gɛɛ dí m̀ɛni tɔnɔi tí kɛ́i, dí lɛ̀ɛ ǹyái su.

Laa-la sarâi ziɣãŋ kɛ̀ a dínaŋɔɔ Zɛleko mai, maa tinaŋɔɔ ǹûai diɛ a fólo lɔ́ɔlu mɛi féerɛi, è wòlo.

Laa-la sarâi è dɛɛ-mɛi-kuui lâai kɛ̀ é m̀ála-ŋãai kpɛ̀mɛŋ a gɛɛ nîa-pɛlɛɛ maa-ŋuŋ su-kara-nuui fé lɛ̀ɣɛ dîa.

Laa-la sarâi, tãi Zosɛ ŋɔfúlu-laai kpɛɛ-ŋá tãi è sèri lai, è mɛni da ƃò é pîlaŋ tãi ma Eezuɛ-ŋai dí kɛ̀ kulâi la Ize-lɔii sui, é téla gbîŋ-saa loo-pere lɛ́.

Laa-la sarâi tãi Zeeka è kɛ̀ pâi saâi lai, è lûwa làa Zosɛ ǹônii kélee dîa tɛi-tɛi ǹɛ̂ɣɛɛŋ pîlaŋɔɔ ŋɔsia-wurui ŋûa gɛ Ɣâla fɛ̀lii.

Laa-la sarâi Aise è lûwa làa Zeeka ma da Isɔɔ tínaa tuɛ-pere mɛni ma.