Popular Bible Verses from Ibulu 10

Share

Kúfe tãi siɣe kúkîe-ni kɔɣɛŋ mɛni ma, yɛ̂ɛ berei núu da-ni da tãi siɣe lai, kɛ́lɛ, kwaa kúkîe-ni fɔlɔ, kpɛ́ni fêi, ka Ŋelei tí kâai gɛ̀ lɛɣɛ.

É lɛ́ɛ kúkili ŋá berei kwa pɔ̂ri wɛli-kɛ-maa pui la kúkîe-ni kponôi da tíi lɛ́lɛɛ kɛɛi.

Kwaa kúkili-kɛ-zui sóŋ a gbanaŋɔɔ nyíi kwa mòi, kúfe siɣe kútɔɔ̂i, kpɛ́ni fêi, ǹúui gono-teei kɛ̀i, zã́âi.

Kpɛ́ni fêi, fɛ̂ɛ lii-kpele é kɛ́ káyêei a gɛɛ ka Ɣâla nia-mɛni kɛ́ ká ŋɔkono-teei sɔlɔ ƃo.

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Mɛni ma káfe kálaa-lai pîli, nyíi fela-féi kɛ́tɛ káa zui.

Kpɛ́ni fêi, à kɛ̀ kwa gìri kwa sɔnyɔ̂ŋ kɛ̀ dɔ̃yâi maa-tarei sɔlɔ ƃoɔɔ kûɛ pôlu ma, gɛ̀ ní sâla kúlaa fé ŋɔ́nɔ naa kúsɔnyɔ̂ŋ mɛni mà. Kɛ́lɛ, fɛ̂ɛ mɛni ŋá-teɛɛ maa pɔlɔ-pɔlɔɔ da ŋɔŋ-soŋ kɛ́tɛ nyíi pâi Ɣâla ŋɔkpɔara-ƃelai kérenîi.