Popular Bible Verses from Galesiɛŋ 5

Share

Kɛ́lɛ, M̀ɔlêŋ ŋɔƃá-ŋai ƃa, wɛli-kɛ-maa, lii-nɛ̃ɛ, lii-sêe, lii-kpele, sɔŋ-lɛlɛ, mɛni lɛ́lɛɛ kɛ́ɛ, kili-kɛ-maa, maa-yeŋ, da núu kpîŋ mɛi káa; ǹyaŋ tɔ̂ŋ fé nyíi-ŋai ŋí dîa.

Kɛ́lɛ, ŋá m̀ó kâa, ka sia M̀ɔlêŋ su, gɛ̀ ní káfe pâi ǹúu ŋɔkɛ-pere-nyɔŋ wɛ́liɛɛi maa-tua kɛ̂i.

A kɛ̀ kúɣeniɛi káa M̀ɔlêŋ su, ǹɛ́lɛɛ̂i kú sía M̀ɔlêŋ su.

Ǹyaŋ diai díkaa Zîsɛ Kôrai kponôi da núu ŋɔtùa-pere-nyɔŋ paa da ŋɔtûa-pere-nyɔŋ maa-sɛŋ-wɛliɛ.

Ǹyaŋ núu ŋɔkɛ-pere-nyɔŋ ŋɔtíi-ŋai su ponoɔ̂i. Dia ƃa, wulu-wulu-kɛɛ, núu kɛ́ɛ maa fé waa ni, wolii-kpɔlɔ, ɣâla-pɔkɔɔŋ fɛliɛ, wúlu-mɛni, kpɔara, laa-sâa, tólo, lii-ŋwâna, woo-taa-taa, ŋa-kɔlɛ, núu-kpulu-ŋa, sɛŋ maa-lii téɛɛ, (núu paá,) lɔɔ kpeleɛ, lɔɔ-kpele-kuu, da gbeli-ŋai díkaa yɛ̂ɛ nyíi-ŋai. Ŋa kalia-woo ƃôi yɛ̂ɛ berei ŋá kália-woo ƃò la a maa-ŋuŋ, a gɛ́ɛ ǹúui a mɛni-ŋai ŋí kɛ̀i, ve pâi Ɣâla ŋɔkâloŋ-laai maa sɔlɔ ƃôi.

Kpɛ́ni fêi, ŋánûa, dí kátòli ŋuŋ-ma-ƃo ma. Káfe tíi kɛ̀ nɔ́ a káŋuŋ-ma-ƃoi kákpîŋ-tua-perei ma, kɛ́lɛ, ka tíi kɛ́ la wɛli-kɛ-maa sarâi, ká kɛ́ a kákîe-ni yée-mu-ƃela.

Kpɛ́ni fêi, núu ŋɔkɛ-pere-nyɔŋ tɔɔ̂i M̀ɔlêŋ ma, M̀ɔlêŋ ǹyaŋ tɔɔ núu ŋɔkɛ-pere-nyɔŋ ma. Kpɛ́ni fêi, nyíi-ŋai tɔɔ̂i díkîe-ni dîa, a gɛ́ɛ káfe m̀ɛnii kɛ̂ ka ŋ̀wɛ̂lii ká gɛ́i.

Kpɛ́ni fêi, dɔ̂ŋ kélee ŋ̀aa-see kɛ́ɛ̂i wóo tɔnɔ ŋí su, “Íkɔlɛ-ma-nuui wɛ́li yɛ̂ɛ yá kpîŋ.”

Kúfe kɛ́ a yoŋka-ƃela, kúfe kúkîe-ni líi ŋwana-mɛni kɛ̀, kpaa máŋ kú tólo kúla kúkîe-ni dîa.

Ŋuŋ-ma-ƃo-mɛni ma, Kôrai è kúŋuŋ ma ƃò; mɛni ma ka tɔɔ a gbanaŋɔɔ, káfè kɛ̀ ŋɔ́nɔ luɛ-laa ŋɔkpîri wuyɛ̂ɛi mu.